Thursday, October 22, 2020

Thursday, October 22, 2020
आर्थिक प्रचण्डले भने, "सैन्य अभिप्रायको सहयोग अस्वीकार्य", नेकपा र चिनियाँ कम्युनिस्ट पार्टीबीच सहकार्य

प्रचण्डले भने, “सैन्य अभिप्रायको सहयोग अस्वीकार्य”, नेकपा र चिनियाँ कम्युनिस्ट पार्टीबीच सहकार्य

Published:

On: Nepal

असार ६, काठमाडौं, । नेपाल कम्युनिस्ट पार्टी र चिनियाँ कम्युनिस्ट भिडियो कन्फ्रेन्समार्फत शुक्रबार उच्चस्तरीय संवाद भएको छ । चैतदेखि जारी लकडाउनमा आपसी सहकार्य र अन्तरक्रिया बाक्लिँदै गएको छ र यो दोस्रो ‘भर्चुअल’ अन्तरक्रिया हो ।

राजदूत होउ यान्छीको सक्रियता दुवै पार्टीको विवाद साम्य बनाउने भूमिकाका रहेको र चिनियाँ राष्ट्रपतिले नेपाली समकक्षी प्रदीप ज्ञवालीलाई दुई पटक टेलिफोन गरेका छन् ।

शुक्रबार आयोजित भिडियो अन्तरक्रियामा नेताहरूले दुई पार्टीबीच वैचारिक राजनीतिक सहकार्य थप सुदृढ बनाउने प्रतिबद्धता जनाएका छन् । चिनियाँ कम्युनिस्ट पार्टी स्थापनाको ९९ वर्षको अवसरमा नेकपाको स्कुल विभागसित शुक्रबार संयुक्त अन्तरक्रिया भएको हो ।

गत ७ असोजमा ६बुँदे सहमतिमा हस्ताक्षर भएयता दुई कम्युनिस्ट पार्टीबीच विभिन्न तहमा सघन छलफल र भ्रमण हुँदै आएका छन् । दुवै पार्टी आपसी सम्बन्धलाई नयाँस्तरमा विकास गर्ने र एक–अर्काका अनुभव साटासाट गरेर अगाडि बढ्न सहमत भएका छन् ।बेइजिङबाट चिनियाँ कम्युनिस्ट पार्टीको अन्तर्राष्ट्रिय सम्पर्क विभाग प्रमुख सोंग ताओ र नेकपाबाट उपप्रधानमन्त्री एवं रक्षामन्त्री ईश्वर पोखरेलले एक–अर्काे पार्टी प्रतिनिधि मण्डलको नेतृत्व गरेका थिए ।

नेकपा अध्यक्ष पुष्पकमल दाहाल, स्कुल विभाग प्रमुख पोखरेल र उपप्रमुख बेदुराम भुसालले ‘भर्चुअल’ अन्तरक्रियामा सम्बोधन गरेका थिए । दुई पार्टीबीचको परस्पर भ्रमण आदान–प्रदान र अन्तरक्रियालाई निरन्तरता दिइने, दुई पक्षीय, क्षेत्रीय र विश्वव्यापी मुद्दामा संयुक्त तालिम र सहकार्य गर्ने बताए र चिनियाँ कम्युनिस्ट पार्टी स्थापनाको ९९ वर्षको शुभकामना प्रचण्डले दिएका थिए ।

स्वशासित क्षेत्र तिब्बतस्थित चिनियाँ कम्युनिस्ट पार्टी स्कुल कमिटीका उपाध्यक्ष प्रोफेसर सु वेनहुईले कम्युनिस्ट पार्टीको नेतृत्वमा तिब्बतमा भएको विकासक्रमबारे प्रस्तुतीकरण गरेका थिए ।

सांसद रामनारायण बिडारीका अनुसार चिनियाँ नेता सोंगले दुई पार्टी र देशबीच सम्बन्ध थप उचाइमा लैजाने र आपसी सहकार्य थप सुदृढ हुने र चिनियाँ नेता सोंगले कोभिड– १९ महामारीबारे पश्चिमा मुलुकले गरेको राजनीतीकरणको विरोध गर्दै यसविरुद्ध चीनले विश्वसँग सहकार्य गर्दै आएको बैठकमा बताएका थिए ।

नेकपाका अर्का नेता कमल चौलागाईंले सरकार र पार्टीस्तरमा सघन सम्बन्ध रहेको भन्दै दुई देशबीच आर्थिक, सामाजिक, सांस्कृतिक क्षेत्रमा सहकार्य अझ बढ्ने र कोभिड– १९ विरुद्ध नेपालको प्रयासलाई चीन सरकार र चिनियाँ कम्युनिस्ट पार्टीले सकेको मद्दत गर्ने वचन दिएको जानकारी दिए ।

तिब्बतस्थित पार्टी स्कुल कमिटीका उपाध्यक्ष प्रोफेसर सुले नेपाल र चीनका ११ जोडी सहरबीच भगिनी सम्बन्ध रहेको, दुई देशबीच सातामा ६० वटा उडान सञ्चालनमा रहेको, व्यापार सहयोग सम्झौतामा दुई देशले हस्ताक्षर गरेको सन्दर्भ उल्लेख गर्दै सहकार्य बढ्दै गएको बताएका थिए । दुई देशबीच रणनीतिक साझेदारीमा आधारित सम्बन्ध थप सुदृढ हुने पनि उनको भनाइ थियो ।

तिब्बतमा चिनियाँ कम्युनिस्ट पार्टीको नेतृत्वमा विकासको क्रान्ति समस्या विकासबाट समाधान भएको विशेष गरी परम्परागत गरिब तिब्बत र आधुनिक तिब्बतको तुलना गर्दै उनले तिब्बतको विकासमा राष्ट्रपति सी जिनपिङले निरन्तर चासो दिँदै आएको पनि बताए ।

नेता चौलागाईंका अनुसार करिब तीन घन्टा चलेको भिडियो अन्तरक्रियामा नेकपाका एक सयजना सहभागी थिए । नेकपा अध्यक्ष केपी शर्मा ओली, प्रमुख सचेतक देव गुरुङ तथा चीनका लागि नवनियुक्त नेपाली राजदूत महेन्द्र पाण्डेले दिएको शुभकामना पनि प्रस्तुत भएको चौलागाईंले बताए ।

कार्यक्रमबारे विदेश विभागलाई जानकारी नभएको विभागका उपप्रमुख विष्णु रिजालले बताए । १७ वैशाखमा तीन घन्टा लामो छलफल भएको थियो ।

गत वर्ष दुई कम्युनिस्ट पार्टीबीच ६ बुँदे सम्झौता भएको १८ दिनपछि चीनका राष्ट्रपति सी जिनपिङले २५ र २६ असोजमा नेपालको राजकीय भ्रमण गरेका थिए । बिहीबार पनि बिआरआईसम्बन्धी उच्चस्तरीय भिडियो सम्मेलनलाई परराष्ट्रमन्त्री ज्ञवालीले सम्बोधन गरेका थिए ।

गत वर्ष ७ असोजमा नेकपा र चिनियाँ कम्युनिस्ट पार्टीबीच उच्चस्तरीय भ्रमण, कार्यकर्ता तहको अध्ययन भ्रमण वृद्धि, पार्टी–पार्टी अनुभवमा आधारित सहयोग आदानप्रदान, युवा र स्थानीय नेताहरूबीच भ्रमण आदानप्रदान, जनस्तरको सम्बन्ध (बुद्धिजीवी, नागरिक संस्था, मिडिया) अभिवृद्धि र विचार सिद्धान्तमा आधारित वार्षिक कार्यक्रम सञ्चालन गर्नेसम्बन्धी ६ बुँदे समझदारी भएको थियो । त्यसवेला सी विचारधाराबारे अन्तरक्रिया समेत भएको थियो । नेकपा र चिनियाँ कम्युनिस्ट पार्टीबीचको सम्बन्धलाई लिएर विपक्षीले वेलावेला प्रश्न उठाउँदै आएको छ ।

प्रचण्डले भने, ‘सैन्य अभिप्रायको सहयोग अस्वीकार्य’

कार्यकर्तालाई सम्बोधन गर्दै नेपाली र चिनियाँ कम्युनिस्ट पार्टीका नेता एवं पूर्वप्रधानमन्त्री प्रचण्डले अमेरिकी सहयोगको मिलेनियम च्यालेन्ज कर्पोरेसन (एमसिसी) सम्झौता स्वीकार नगर्ने जनाउ दिए ।

उनले अमेरिकाको नाम नलिई सैन्य गठबन्धनमा जोडिने अभिप्रायको कुनै पनि विदेशी सहयोग स्वीकार्य नहुने बताए । ‘संविधानसँग बाझिनेगरी तथा कुनै पनि प्रकारको सैन्य गठबन्धनमा संलग्न हुने अर्थ दिने सहयोग नेपाललाई कुनै पनि हालतमा स्वीकार्य छैन,’ प्रचण्डले भने, नेपाल असंलग्न विदेश नीतिमा प्रतिबद्ध छ । नेपालको सार्वभौम स्वतन्त्रता, असंलग्न नीतिलाई समर्थन गर्ने मित्रराष्ट्रहरूको सहयोगको मात्रै हामी स्वागत गर्छौँ ।’ एमसिसीलाई लिएर नेकपाभित्रै विवाद छ ।

प्रचण्डले भारतसँगको सीमा विवादबारे संकेत गर्दै द्विपक्षीय विषयहरू संवादबाट समाधान गर्न नेपालले चाहेको बताए । ‘हामी कुनै पनि मित्रराष्ट्रहरूसँगका द्विपक्षीय विषय वार्ता र संवादबाट समाधान गर्न चाहन्छौँ । तर, सार्वभौम समानता, आपसी सम्मान र समझदारीको जगमा टेकेर मात्रै वार्ता र संवाद हुन्छ । ‘हङकङ, तिब्बत, सिन्जियाङ मामिलामा नेपाल चीनलाई समर्थन गर्दछ ।’’प्रचण्डले भने |

चीनसित ताइवानको शान्तिपूर्ण एकीकरणमा पनि नेपालको समर्थन रहेको बताए ।प्रचण्डले थपे, ‘हामी कुनै पनि मित्रराष्ट्रहरूसँगका द्विपक्षीय विषय वार्ता र संवादबाट समाधान गर्न चाहन्छौँ । तर, सार्वभौम समानता, आपसी सम्मान र समझदारीको जगमा टेकेर मात्रै वार्ता र संवाद हुन्छ ।’
प्रचण्डले नेपाल एक चीन नीतिप्रति प्रतिबद्ध रहेको तथा चीनसित ताइवानको शान्तिपूर्ण एकीकरणमा पनि नेपालको समर्थन रहेको बताए । उनले भने, ‘हङकङ, तिब्बत, सिन्जियाङ मामिलामा नेपाल चीनलाई समर्थन गर्दछ ।’

हङकङका सम्बन्धमा चीनको नेसनल पिपुल्स कंग्रेसले पछिल्लो समय पारित गरेको सुरक्षासम्बन्धी कानुनलाई नेपालले समर्थन गरेको थियो ।

नेपाल कम्युनिस्ट पार्टीले चीन सरकार र चिनियाँ कम्युनिस्ट पार्टीसँग साझा विकास तथा समृद्धि एवं शान्ति र हार्दिकताका सन्दर्भमा सहकार्य गर्न चाहेको पनि प्रचण्डले बताए । प्रचण्डले नेपाल ‘बेल्ट एन्ड रोड इनिसियटिभ (बिआरआई)’ को पक्ष भएकाले हिमालय सीमापार बृहत् सम्पर्क सञ्जालका कारण साझा विकास र समृद्धिको अवसर प्राप्त हुने बताए ।

भूकम्प तथा कोभिड– १९ को महामारीमा चीनले नेपाललाई निरन्तर सहयोग गरिरहेको भन्दै प्रशंसा गरे । उनले भने, ‘सामान्य वा असामान्य अवस्थामा चीनको सहयोग नेपालका लागि अमूल्य छ । नेपाल र चीन सुख र दुःखका मित्र हुन् ।’

कोभिड– १९को महामारी सकिएलगत्तै आफू चीन भ्रमणमा जाने अर्को प्रसंगमा प्रचण्डले बताए । आफ्नो भ्रमण प्रधानमन्त्री ओलीको स्वास्थ्य बिग्रेका कारण सम्भव नभएको, तर अब हुने पनि उल्लेख गरे ।

नेपाली भूमिबाट चीनविरोधी गतिविधि हुन नदिने समेत वचन दिदै दुई पार्टीबीच सम्बन्ध थप सुदृढ हुने र कोभिड– १९ सकिएलगत्तै पूर्व निर्धारित कार्यक्रम सुचारु हुने र कोभिड– १९ अघि र पछि नेपाललाई चीन सरकारले गरेको सहयोगप्रति प्रमुख एवं रक्षामन्त्री ईश्वर पोखरेलले व्यक्त गरेका छन् ।

 ।

सम्बन्धित समाचार

६० हजार धरौटी राखेर मात्र सङ्क्रमितले भर्ना पाउने

यहाँस्थित बिपी कोइराला स्वास्थ्य विज्ञान प्रतिष्ठानले कोरोना सङ्क्रमितका लागि धरौटी राखेर मात्र उपचार प्रक्रिया शुरु गर्ने निर्णय गरेको छ ।

आज रातीदेखि दशैंको पुर्णिमासम्म लकडाउन गर्ने निर्णय,भर्खरै आयो यस्तो खबर

विश्वव्यापी फैलिरहेको कोरोना भाइरस (कोभिड-१९) संक्रमणदर नेपालमा पनि दिनानुदिन बढ्दै जान थालेपछि यो बर्षको महानचाड बडादशैं सामाजिक दूरीकायम गरि मनाउन सरकारले आग्रह गरेको छ ।

नेपालको सबै सम्पत्ति बिक्री गरी देश छोड्दै

गिरिजाप्रसाद कोइरालाकी छोरी सुजाता कोइरालाले नेपालमा भएको आफ्नो ‘अन्तिम’ सम्पत्ति पनि बिक्री गर्न लाग्नुभएको छ।

सार्वजनिक सवारीसाधनबाट ठगिदै यात्रु

प्रदेश नं. २ का लामो रुटमा चल्ने सार्वजनिक सवारी साधनले सरकारले तोकेको स्वास्थ्यसम्बन्धी मापदण्ड उल्लङ्घन गर्दैँ यात्रु कोचेर राख्दा पनि थप ५० प्रतिशत भाडासमेत लिने गरेको गुनासो बढेकोे छ ।

ताजा समाचार

६० हजार धरौटी राखेर मात्र सङ्क्रमितले भर्ना पाउने

यहाँस्थित बिपी कोइराला स्वास्थ्य विज्ञान प्रतिष्ठानले कोरोना सङ्क्रमितका लागि धरौटी राखेर मात्र उपचार प्रक्रिया शुरु गर्ने निर्णय गरेको छ ।

असाई गोविन्दकी आमा रु’दै मिडियामा, रु’दा रु’दा आ’शु सकियो (हेर्नुस् भिडियो)

भिडियो समाचारको तल राखिएको छ पूरा हेर्नुहोस्! यो पनि पढ्नुस: काठमाडौं । सामाजिक संजालमा यतिबेला सियोना बचाउ अभियान चलिरहेको छ ।

पल र साम्राज्ञी श्रीमान्- श्रीमती बन्दै

फिल्म रेड वाइनमा पल र साम्राज्ञीले श्रीमान्-श्रीमतीको भुमिका निभाउने भएका छन् । पहिलो पटक पर्दामा यो जोडीले स्क्रिन शेयर गर्दैछन् । निर्माता रमेश एमके पौडेलले निर्देशन गर्न लागेको फिल्म ‘रेड वाइन’ मा उनीहरुले एकसाथ काम गर्न लागेका हुन् ।

चितवनमा कोरोना संक्रमणबाट प्रहरी हबल्दारको मृ’त्यु

कोरोना सङ्क्रमणका कारण एक जना प्रहरी हवल्दारको मृ'त्यु भएको छ । मृ'त्यु हुनेमा रत्ननगर नगरपालिका वडा नम्बर १२ का ४० वर्षीय पुरुष रहेका छन् ।
X