२५ लाख नाघ्यो अमेरिकामा कोरोना संक्रमित

२५ लाख नाघ्यो अमेरिकामा कोरोना संक्रमित

शनिबार, असार १३, २०७७ | समाचार सारांशमा :

  • एकैदिन ४७ हजार ३४१ जना संक्रमित थपिए
  • संक्रमितको संख्या २५ लाख ५२ हजार ९५६ पुग्याे
  • संक्रमितमध्ये १५ हजार ७६५ जनाको स्वास्थ्य अवस्था चिन्ताजनक

अमेरिकामा कोरोना संक्रमितको संख्या २५ लाख ५२ हजार ९५६ पुगेको छ भने हिजो मात्र एकैदिन ४७ हजार ३४१ जना संक्रमित थपिएका थिए। यो अहिलेसम्मकै सबैभन्दा ठूलो संख्यामा कोरोना भाइरसका संक्रमित हो ।

संक्रमित मध्ये एक लाख २७ हजार ६४० जनाको मृत्यु भइसकेको छ। अमेरिकामा यसअघि एकैदिन सबैभन्दा ठूलो संख्यामा कोरोना संक्रमित बिहीबार ४० हजार २१२ जना थपिएका थिए।

अमेरिकामा कोरोना संक्रमितको संख्या घट्दै गएको थियो तर गत साताबाट पुनः बढ्न शुरू गरेको छ। कोरोना संक्रमित मध्ये १० लाख ६८ हजार ७०३ जना संक्रमित उपचारपछि निको भई अस्पतालबाट घर फर्किसकेका छन्।

१३ लाख ५६ हजार ६१३ जना संक्रमित उपचारत छन्  जसमध्ये १५ हजार ७६५ जनाको स्वास्थ्य अवस्था गम्भीर रहेको छ।

COMMENTS

WORDPRESS: 0