Friday, October 23, 2020

Friday, October 23, 2020
नेपाल ओलीले एक पद छाड्नैपर्ने खुमलटार बैठकको निष्कर्ष

ओलीले एक पद छाड्नैपर्ने खुमलटार बैठकको निष्कर्ष

Published:

On: Nepal

Nepal Online Patrika| Kathmandu: पार्टीभित्र विवाद चुलिँदै गएपछि सत्तारुढ दल नेपाल कम्युनिस्ट पार्टी (नेकपा) का अध्यक्ष पुष्पकमल दाहाल ‘प्रचण्ड’ले सोमबार बिहान आफू पक्षीय स्थायी समिति सदस्यहरुसँग छलफल गरेका छन् । प्रचण्डले आइतबार सचिवालयका चार सदस्यसहित माधवकुमार नेपाल पक्षका केही स्थायी समिति सदस्यहरुसँग पनि यसै विषयमा छलफल गरेका थिए ।

लगत्तै सोमबार बिहान उनले पूर्वमाओवादी केन्द्रतर्फका स्थायी समिति सदस्यहरुसँग झण्डै तीन घण्टा छलफल गरेका हुन् । छलफलमा सहभागी एक नेताका अनुसार पार्टीभित्र देखिएको विवादको समाधान गर्न प्रधानमन्त्री समेत रहेका केपी शर्मा ओली नै अग्रसर हुनुपर्ने निष्कर्ष निकालेको छ ।

‘पार्टी अध्यक्ष र प्रधानमन्त्री समेत भएको नाताले उहाँले नै निकास दिनुपर्छ र पार्टी एकतालाई पनि बचाउनुपर्छ । त्यसका लागि ओलीले अध्यक्ष वा प्रधानमन्त्रीमध्ये एक पद छोड्नुपर्छ भन्ने कुरामा नेताहरु एकमत देखिनुको भएको छ’, ती नेताले रातोपाटीसँग भने, ‘उहाँ ओलीजी प्रतिपक्षजस्तो बन्नुभएन, घुर्की लगाउनुभएन । बैठक नराख्ने र राखेपनि बीचमै छोड्ने त कहिले महाधिवेशनको कुरा ल्याएर समस्या समाधान नभई पन्छाउने प्रयासमा लाग्नुभएको छ । यो प्रवृत्तिले निकास आउँदैन । त्यसैले उहाँले नै निकास दिन जरुरी छ । त्यसमा रोज्ने जिम्मा उहाँलाई छ, बल उहाँकै कोर्टमा छ ।’

नेकपाको स्थायी समिति बैठक भोलि मंगलबार बस्दैछ । बैठकअघि रणनीति बनाउन प्रचण्डपक्षका नेताहरुबीच छलफल भएको हो । ‘पार्टी फुट्नु हुँदैन । पार्टी र सरकार दुवै चल्नुपर्छ । त्यसका लागि विधानको पालनमा जोड दिनुपर्छ भन्ने विषयमा विभिन्न कोणबाट छलफल भयो’, स्थायी समिति सदस्य लिलामणि पोखरेलको भनाइ छ ।

त्यस्तै पार्टी एकता बलियो बनाउने, एकता प्रक्रियालाई टुंग्याउने र महाधिवेशनबारे बाहिर भएका चर्चा लगायतका विषयमा छलफल भएको स्थायी समिति सदस्य देवेन्द्र पौडेलले जानकारी दिए ।
‘यस्ता छलफल नेताहरुबीच सधैँ हुने गरेका हुन् । अहिलेको अवस्थामा पार्टी एकताको मजवुती र चर्चामा आएको महाधिवेशन लगायतका विषयमा छलफल र कुराकानी भयो’, पौडेलले रातोपाटीसँग भने, ‘यिनै विषयलाई केन्द्रविन्दुमा राखेर सहज र संयमित ढंगले स्थायी समितिमा प्रस्तुत हुन अध्यक्षले आग्रह गर्नुभयो ।’

यो पनि…
नेकपामा ‘महाधिवेशन’ जुहारी : पोखरेलको प्रश्नमा रिजालको कडा जवाफ
छलफलमा सहभागी नेताहरुले पछिल्लो पटक सचिवालय बैठकमा प्रस्तावका रुपमा आएको ‘अर्ली महाधिवेहन’ का बारेमा जिज्ञासा राखेका थिए । जवाफमा प्रचण्डले अर्ली महाधिवेशनका बारेमा सहमति नगरेको प्रस्ट्याएका थिए ।
यसकारण असम्भव अर्ली महाधिवेशन
त्यस्तै प्रचण्डसँगको छलफलमा स्थायी समिति सदस्यहरुले पनि अर्ली माहाधिवेशन कुनै हालतमा मंसिरमा सम्भव नहुने भन्दै त्यो प्रस्ताव समस्या पन्छाउने हिसाबले ल्याएको धारणा राखेका थिए ।

‘तत्काल महाधिवेशन समस्या सम्बोधन होइन कि पन्छाउने हिसाबले ल्याएकाले त्यसमा सहमत हुन सकिँदैन भन्ने नै सवैको धारणा आयो’, अर्का एक स्थायी समिति सदस्यले भने, ‘साउन र भदौ वर्षा नै हुन्छ । असोज कात्तिक चाडबाडको समय अनि कसरी मंसिरमा सम्भव हुन्छ ? यो त समस्या तन्काउने कुरामात्रै हो ।’

बाढी पहिरो, कोरोना र चाडबाड समेत भएकाले महाधिवेशनका लागि गर्नुपर्ने तयारी गर्न पर्याप्त समय नहुने भएकाले पनि तोकिएकै मितिमा महाधिवेशन गर्ने तर त्यसअघि पार्टीभित्रको विवाद समाधान गर्न ओलीले दुईमध्ये एक पद छोड्नुपर्ने नेताहरुले बताउदै आएका छन् ।

त्यस्तै महाधिवेशनका लागि दस्तावेज लेख्नुपर्ने, त्यो दस्तावेज तल्ला तहका कार्यकर्तासम्म पुर्याएर छलफल बहस गर्नुपर्ने हुन्छ । त्यस्तै पार्टी भित्र तिक्तता भएका बेला ति तिक्तता मेट्न दुवै अध्यक्षले भाँडिएको कार्यकर्ताको मनोविज्ञान सम्हाल्न उनीहरुसमक्ष पुग्न जरुरी छ । यदि त्यसरी नजाने हो भने थप भाँडभैलो हुने निश्चित छ । अर्कोतर्फ पार्टी एकता प्रक्रिया समेत नटुंगिएको अवस्थामा एकैपटक महाधिवेशनमा जाँदा कार्यकर्ताहरुले एकताको अनुभूति गर्न नपाउने अवस्था रहन्छ ।

सम्बन्धित समाचार

६० हजार धरौटी राखेर मात्र सङ्क्रमितले भर्ना पाउने

यहाँस्थित बिपी कोइराला स्वास्थ्य विज्ञान प्रतिष्ठानले कोरोना सङ्क्रमितका लागि धरौटी राखेर मात्र उपचार प्रक्रिया शुरु गर्ने निर्णय गरेको छ ।

आज रातीदेखि दशैंको पुर्णिमासम्म लकडाउन गर्ने निर्णय,भर्खरै आयो यस्तो खबर

विश्वव्यापी फैलिरहेको कोरोना भाइरस (कोभिड-१९) संक्रमणदर नेपालमा पनि दिनानुदिन बढ्दै जान थालेपछि यो बर्षको महानचाड बडादशैं सामाजिक दूरीकायम गरि मनाउन सरकारले आग्रह गरेको छ ।

नेपालको सबै सम्पत्ति बिक्री गरी देश छोड्दै

गिरिजाप्रसाद कोइरालाकी छोरी सुजाता कोइरालाले नेपालमा भएको आफ्नो ‘अन्तिम’ सम्पत्ति पनि बिक्री गर्न लाग्नुभएको छ।

सार्वजनिक सवारीसाधनबाट ठगिदै यात्रु

प्रदेश नं. २ का लामो रुटमा चल्ने सार्वजनिक सवारी साधनले सरकारले तोकेको स्वास्थ्यसम्बन्धी मापदण्ड उल्लङ्घन गर्दैँ यात्रु कोचेर राख्दा पनि थप ५० प्रतिशत भाडासमेत लिने गरेको गुनासो बढेकोे छ ।

ताजा समाचार

६० हजार धरौटी राखेर मात्र सङ्क्रमितले भर्ना पाउने

यहाँस्थित बिपी कोइराला स्वास्थ्य विज्ञान प्रतिष्ठानले कोरोना सङ्क्रमितका लागि धरौटी राखेर मात्र उपचार प्रक्रिया शुरु गर्ने निर्णय गरेको छ ।

असाई गोविन्दकी आमा रु’दै मिडियामा, रु’दा रु’दा आ’शु सकियो (हेर्नुस् भिडियो)

भिडियो समाचारको तल राखिएको छ पूरा हेर्नुहोस्! यो पनि पढ्नुस: काठमाडौं । सामाजिक संजालमा यतिबेला सियोना बचाउ अभियान चलिरहेको छ ।

पल र साम्राज्ञी श्रीमान्- श्रीमती बन्दै

फिल्म रेड वाइनमा पल र साम्राज्ञीले श्रीमान्-श्रीमतीको भुमिका निभाउने भएका छन् । पहिलो पटक पर्दामा यो जोडीले स्क्रिन शेयर गर्दैछन् । निर्माता रमेश एमके पौडेलले निर्देशन गर्न लागेको फिल्म ‘रेड वाइन’ मा उनीहरुले एकसाथ काम गर्न लागेका हुन् ।

चितवनमा कोरोना संक्रमणबाट प्रहरी हबल्दारको मृ’त्यु

कोरोना सङ्क्रमणका कारण एक जना प्रहरी हवल्दारको मृ'त्यु भएको छ । मृ'त्यु हुनेमा रत्ननगर नगरपालिका वडा नम्बर १२ का ४० वर्षीय पुरुष रहेका छन् ।
X