Tuesday, September 22, 2020

Tuesday, September 22, 2020
नेपाली कांग्रेस सरकार संसद् बोलाउँदैन, जनताका आवाज कहाँ उठाउने ?

सरकार संसद् बोलाउँदैन, जनताका आवाज कहाँ उठाउने ?

Published:

On: Nepal

नेपाल अनलाइन पत्रिका | काठमाडौं: सरकारले हतार-हतार संघीय संसदको वर्षे अधिवेशन अन्त्य गरेको दुई महिना भइसकेको छ । गत असार १८ गते संसदमा ‘बिजनेस’छँदाछँदै मन्त्रिपरिषद्को सिफारिसमा राष्ट्रपति विद्यादेवी भण्डारीले संसद बैठक स्थगन गरेकी थिइन् ।

त्यसरी स्थगित गरिएको संसद बैठक कहिलेबाट सुरु हुन्छ भन्‍ने विषयमा सचिवालय नै अन्योलमा छ । सांसदहरूसमेत संसद बैठक सुरु हुनेबारे अनविज्ञता व्यक्त गर्छन् । अहिले कोरोना महामारीका कारण देश अप्ठ्यारो अवस्थामा छ । जनतासँग जोडिएका थुप्रै महत्त्वपूर्ण विषय छन् । यस्तो अवस्थामा संसदको आवश्यक्ता झन् धेरै हुने सांसदहरू बताउँछन् । तर, सरकार संसदको अधिवेशन बोलाउने कुनै तयारीमा नरहेको बुझिएको छ । त्यस्तै, प्रमुख प्रतिपक्षी दल कांग्रेसले पनि संसद खुलाउन कुनै रुची देखाएको छैन ।

संसदमा प्रतिपक्षीको ‘नो इन्ट्रेस्ट’:
सरकारलाई जवाफदेही बनाउने निकाय संसद नै हो । त्यसैले गैरजिम्मेवार सरकार संसद छल्न हरतरहले प्रयास गरिरहन्छ । संसदबाट भाग्‍न खोज्‍ने सरकारलाई भाग्‍न नदिनु प्रतिपक्षीको मुख्य काम हो । तर, नेपालमा प्रमुख प्रतिपक्षीले संसद खुलाउन भूमिका नखेलेको भन्दै आलोचना भएको छ ।

नेपाली कांग्रेसका सांसद गगन थापा संसद खुलाउने विषयमा कांग्रेसले अग्रसरता देखाउनुपर्नेमा त्यसो नभएको स्विकार्छन् । सत्तारुढ दल नेकपाभित्रको आन्तरिक विवादको कारण संसद बन्द गर्नु आपत्तिजनक रहेकाले त्यतिबेलै कांग्रेसले कडा प्रतिवाद गर्नबाट चुकेको उनको भनाइ छ । सरकार गैरजिम्मेवार र निरंकुश भयो भन्‍ने कांग्रेसको आरोप रहेको बताउँदै थापाले सरकारलाई जिम्मेवार र निरंकुश हुनबाट रोक्ने थलो संसद नै भएको बताए । तर, संसद माग गर्न आवश्यक अग्रसरता कांग्रेसले नलिएकामा थापाको पनि असन्तुष्टि छ । “संसद त हामीलाई चाहिएको छ । सरकारलाई जवाफदेही बनाउने, सुझाव दिने, दबाब दिने संसदबाटै हो,” सांसद थापाले भने, “संसदलाई कम महत्त्वको ठान्दा हाम्रो प्रतिपक्षी हैसियतमा क्षति पुग्छ । संसद खुलाउन हाम्रा तर्फबाट हुनुपर्ने पहलकदमी भएको छैन ।”

संसद रोकिएपछि एक दिन पनि संसद खुलाउने विषयमा संसदीय दलको बैठक नबसेको पनि उनले बताए । सबै सांसदहरूलाई संसद बैठक चाहिएपछि संसदीय दलका नेता शेरबहादुर देउवाले सो भूमिकालाई न्याय गर्न नसकेको थापाको भनाइ छ । “हामीले चाहेर, कराएर मात्र हुनेवाला छैन, उहाँ नतातेसम्म । त्यहाँ समस्या देख्छु,” उनले भने ।

सत्तारुढ सांसद पनि सरकारसँग असन्तुष्ट:
सत्तारुढ दल नेकपाकै सांसद रामकुमारी झाँक्री संसद बैठक खुलाउने विषय प्रधानमन्त्री ओली र राष्ट्रपति विद्यादेवी भण्डारीमा भर पर्ने बताउँछिन् । असोजमा अन्त्य हुनुपर्ने वर्षे अधिवेशन हतार-हतार असारमा अन्त्य गरिएको उनले बताइन् । “यति ठूलो कोरोना कहर छ । देश महामारी र आर्थिक संकटविरुद्ध एकताबद्ध छ भन्‍ने सन्देश दिन पनि संसद महत्त्वपूर्ण हुन्थ्यो । संविधान संशोधन गरेर नेपालको परिमार्जित नक्सा राख्नेदेखि बजेट, नीति तथा कार्यक्रम पारित गर्ने बेलामा पनि देखिने गरी संसद विभाजित थिएन । विधेयक र बजेटहरू सर्वसम्मत पारित हुने भनेपछि संसदमा त्यो खालको राष्ट्रिय सहमति भएको थियो,” उनले भनिन्, “त्यो सहमतिको बलमा यो सरकारले अझ धेरै काम गर्ने अवसर थियो । गरेका कामले त्यती धेरै वैधता र समर्थन पाउँथ्यो । जब ओलीले हतारहतार संसद स्थगन गरेर एक्लै अघि बढ्न खोजे एकपछि अर्को संकट आइरहेका छन् । यो संकटको समाधान ओलीले एक्लै हिँडेर गर्न सक्दैनन् ।”

उनले कोरोनाले सिर्जना गरेको मनोवैज्ञानिक त्रास, आर्थिक मन्दी, परिवारको विखण्डनदेखि गरिखाने वर्ग, साना लगानीकर्तालाई परेको समस्याबारे छलफल गर्न राष्ट्रिय सहमति आवश्यक रहेको र त्यसका लागि संसद महत्त्वपूर्ण ठाउँ रहेको झाँक्री बताउँछन् । “सरकार अनुदार र प्रधानमन्त्री एक्लै हिँड्न चाहनुभएको छ । फेरि अधिवेशन बोलाउने कुरा सरकारले अहिले उठेका प्रश्नको जवाफ दिने ठाउँ हुन्छ । संसदलाई, जनतालाई जवाफ दिनबाट भाग्नका लागि अपारदर्शी, भ्रष्टाचार, नातावाद, कृपावाद, मनपरि नियुक्ति जम्मै प्रकरणको जवाफ संसदको माध्यमबाट जनतालाई दिनुपर्ने थियो । त्यो दिन नपर्ने बनाउन अधिवेशन अन्त्य गरिएको हो,” झाँक्रीले भनिन् । उनले सबै दलसँग सल्लाह गर्न र संसद खुलाउन आग्रह पनि गरिन् ।

सम्बन्धित समाचार

आधिकारिक ट्रेड युनियनको चुनाव स्थगित् गर्नु प्रजातन्त्रमाथि खतरा हो : अध्यक्ष पोखरेल

प्रमुख प्रतिपक्षी दल नेपाली कांग्रेससम्वद्ध नेपाल निजामती कर्मचारी युनियन (संघ) ले मन्त्रिपरिषद्को बैठकले आधिकारिक ट्रेड युनियनको निर्वाचन स्थगित गर्ने निर्णय गरेकोमा आपत्ति जनाएको छ । संघका अध्यक्ष गोपालप्रसाद पोखरेलले सबै तयारी गरेर चुनावमा होमिएको अवस्थामा सरकारले यसरी एक्कासी चुनाव स्थगित् गर्नु गलतमात्रै नभएर प्रजातन्त्रमाथि नै खतरा भएको टिप्पणी गरे ।

नेकपाका अध्यक्ष ओली र दाहालविरुद्ध २०७४ सालमा दायर अवहेलना मुद्दा तामेलीमा

सर्वोच्च अदालतले नेपाल कम्युनिष्ट पार्टीका अध्यक्षद्वय केपी शर्मा ओली र पुष्पकमल दाहाल प्रचण्डविरुद्धको एक अवहेलनाको मुद्दालाई तामेलीमा राख्ने फैसला गरेको छ।

पा‍र्टी प्रवक्ता नारायणकाजीले भने, ‘वामदेवको मनोनयनविरुद्ध परेको रिट बारे सरकारलाई औपचारिक जानकारी आएको छैन्’

नेपाल कम्युनिस्ट पार्टी (नेकपा)का प्रवक्ता नारायणकाजी श्रेष्ठले सचिवालय बैठकमा वामदेव गौतमको मनोनयनविरुद्ध परेको रिटबारे कुनै छलफल नभएको बताएका छन्।

मन्त्रीहरुको सूची बन्दै

नेकपाको विवाद शक्ति र सत्ता बाँडफाँडमा गएर टुंगिएपछि मन्त्रिमण्डल हेरफेरको तयारी सुरु भएको छ । आइतबार बसेको नेकपाको सचिवालय बैठकले मन्त्रिमण्डल हेरफेर गर्ने सहमति गरेपछि नयाँ मन्त्रीहरुको सूचि बनाउने क्रम सुरु भएको बालुवाटार स्रोत बताउँछ ।

ताजा समाचार

महिला पहिलोपटक अन्तरिक्षयात्रीलाई चन्द्रमामा पठाउँदै नासा

अमेरिकी अन्तरिक्ष संस्था नासाले पहिलोपटक महिला अन्तरिक्षयात्रीलाई चन्द्रमामा पठाउने योजना बनाएको छ।

आधिकारिक ट्रेड युनियनको चुनाव स्थगित् गर्नु प्रजातन्त्रमाथि खतरा हो : अध्यक्ष पोखरेल

प्रमुख प्रतिपक्षी दल नेपाली कांग्रेससम्वद्ध नेपाल निजामती कर्मचारी युनियन (संघ) ले मन्त्रिपरिषद्को बैठकले आधिकारिक ट्रेड युनियनको निर्वाचन स्थगित गर्ने निर्णय गरेकोमा आपत्ति जनाएको छ । संघका अध्यक्ष गोपालप्रसाद पोखरेलले सबै तयारी गरेर चुनावमा होमिएको अवस्थामा सरकारले यसरी एक्कासी चुनाव स्थगित् गर्नु गलतमात्रै नभएर प्रजातन्त्रमाथि नै खतरा भएको टिप्पणी गरे ।

पहिलो खेलमा साविक विजेता मुम्बईलाई हराएको चेन्नई, राजस्थानसँग भिड्दै

इन्डियन प्रिमियर लिग-आईपीएल क्रिकेटमा मंगलबार राती चेन्नई सुपर किङ्सले राजस्थान रोयल्ससँग खेल्दै छ।

नेकपाका अध्यक्ष ओली र दाहालविरुद्ध २०७४ सालमा दायर अवहेलना मुद्दा तामेलीमा

सर्वोच्च अदालतले नेपाल कम्युनिष्ट पार्टीका अध्यक्षद्वय केपी शर्मा ओली र पुष्पकमल दाहाल प्रचण्डविरुद्धको एक अवहेलनाको मुद्दालाई तामेलीमा राख्ने फैसला गरेको छ।
X