सिरिजको टुंगो निर्णायक खेलबाट हुने

0
63

नेपाल अनलाइन पत्रिका | काठमाडौं: अस्ट्रेलियाविरुद्धको तीन खेलको वानडे सिरिजअन्तर्गत दोस्रो खेल इंग्ल्यान्डले जितेपछि सिरिजको टुंगो निर्णायक खेलबाट हुने तय भएको छ। यो जितसँगै सिरिज १–१ को बराबरीमा रहेको छ भने तेस्रो र निर्णायक खेल भोलि बुधबार हुँदै छ। पहिलो खेल अस्टे«लियाले १९ रनले जितेको थियो।

म्यानचेस्टरको ओल्ड ट्राफोर्डमा भएको खेलमा इंग्ल्यान्डले अस्टे«लियालाई २४ रनले हराएको हो। इंग्ल्यान्डले २ सय ३२ रनको मध्यम लक्ष्य दिएको थियो। तर, अस्टे«लिया शुरुआती ब्याटिङमै खराब भएपछि २ सय ७ रनमै समेटिएको थियो। इंग्लिस बलर जोफ्रा आर्चरले घातक बलिङ गर्नु नै इंग्ल्यान्डको जित सुनिश्चित भएको थियो।

अस्टे«लियाका भरपर्दा ओपनर डेभिड वार्नर दोस्रो खेलमा पनि फ्लप भएका थिए । उनले ६ रन बनाएर जोफ्रा आर्चरको बलिङमा जोस बटलरलाई क्याच थमाएका थिए। त्यसपछि मार्कस स्टाइनोस पनि छिट्टै पवेलियन फर्केका थिए। ९ रन जोेडेका उनलाई पनि आर्चरले बटलरद्वारा क्याच आउट गराएका थिए।

त्यसपछि कप्तान एरोन फिन्च र मार्नस लाबुसानेले ब्याटिङ सम्हाल्न पुगे। दुवैले तेस्रो विकेटका लागि १ सय ७ रनको साझेदारी गरेका थिए। जसमा फिन्चले ७३ रन जोडे भने लाबुसानेले ४८ रनको योगदान दिए। टोली २ विकेटको क्षतिमा १ सय ४३ रन बनाएर जित निकट थियो। तर, थप ६४ रन बनाउँदा ८ विकेट गुमाएपछि टोली ४८ दशमलव ४ ओभरमा अलआउट भएको थियो।

इंग्ल्यान्डका बलरमा जोफ्रा आर्चर, क्रिस वोक्स र साम कुरनले समान ३÷३ विकेट लिए। अन्तिम विकेट आदिल रसिदले हासिल गरेका थिए। सबै बलरले राम्रो प्रदर्शन गरे पनि जोफ्रा आर्चर प्लेयर अफ द म्याच घोषित हुन पुगे।

यसअघि इंग्ल्यान्डको ब्याटिङ पनि शुरुआतमा खराब भएको थियो। टोलीले २९ रनका लागि दुई विकेट गुमायो भने १ सय १७ रन पुग्दा ५ विकेट गुमेको थियो । त्यसपछि आयन मोर्गानले सबैभन्दा बढी ४२ रनको योगदान दिए। त्यस्तै, जोए रूटले ३९ रन बनाएका थिए।

तर, बलरहरू टाम कुरन र आदिल रसिदले महत्वपूर्ण रन जोड्दा इंग्ल्यान्ड सम्मानजनक स्कोरमा पुगेको थियो। कुरनले ३७ र रसिदले ३५ रन बनाएका थिए। अस्टे«लियन बलरमा एडाम जाम्पाले ३ विकेट लिए भने मिचेल स्टार्कले २ विकेट हासिल गरेका थिए। त्यस्तै, जोस हेजलउड, पेट कमिन्स र मिचेल मार्सले १÷१ विकेट हात पारेका थिए।

थिएमले जिते पहिलो ग्रान्डस्लाम उपाधि:

अस्ट्रियाका डोमिनिक थिएमले करियरको पहिलो ग्रान्डस्लाम उपाधि जितेका छन्। थिएमले यूएस ओपन टेनिस प्रतियोगिता जितेका हुन्। न्युयोर्कमा भएको मेन्स सिंगल्स फाइनल खेलमा २७ वर्षीय खेलाडीले जर्मनीका एलेक्सान्डर जेभेरेभलाई पाँच सेटमा हराएका हुन्। उनी यसअघि तीनवटा ग्रान्डस्लाम फाइनलमा पराजित भएका थिए।

तर, २३ वर्षीय जेभरेभले भने पहिलो ग्रान्डस्लाम फाइनल खेलेका हुन्। उनले पहिलो दुई सेट ६–२, ६–४ ले जितेर पहिलो ग्रान्डस्लाम फाइनलमै उपाधि जित्ने छनक देखाएका थिए। ग्रान्डस्लाम फाइनलको अनुभवी थिएमले पछिका तीनै सेट जितेर उपाधि हात पारे। उनले अन्तिम तीन सेट ६–४, ६–३, ७–६ ले जितेका हुन्।

थिएम दुई सेटले पछि परेर ग्रान्डस्लाम उपाधि जित्ने अर्जेन्टिनाका गास्टोन गाउडियोपछिका पहिलो खेलाडी हुन्। गाउडियोले २००४ को पे्रmन्च ओपन दुई सेट पछि परेर जितेका थिए। तर, न्युयोर्कमा भने यो धेरै लामो समयपछिको पुनरागमन जित थियो। यसअघि अमेरिकाका पान्चो गोन्जालेसले १९४९ मा यस्तो उपलब्धि हासिल गरेका थिए।

२०१९ को यूएस विजेता राफायल नाडाल र स्वीट्रजरल्यान्डका रोजर फेडेररको अनुपस्थितमा शीर्ष खेलाडी नोभाक जोकोभिच उपाधि दाबेदारमा थिए। तर, उनी चौथो चरणमा अयोग्य ठहरिँदै बाहिरिएपछि थिएम उपाधि दाबेदारमा सबैभन्दा अघि थिए। जोकोभिचले बल प्रहार गर्दा लाइन अम्पायरको घाँटीमा लागेको थियो। उनी १७औं ग्रान्डस्लाम उपाधि विजेता हुन्।

पछिल्लो दशकमा मेन्स सिंगल्सका तीन महारथी नाडाल, फेडेरर र जोकोभिचभन्दा बाहिरका खेलाडीले जित्ने सूचीमा थिएमको नाम पनि समावेश भएको छ। यूएस ओपनअन्तर्गत उपाधि २०१२ मा ब्रिटेनका एन्डी मुरे, २०१४ मा क्रोएसियाका मारिन चिलिच र २०१६ मा स्वीट्जरल्यान्डका स्टान वावरिन्काले जितेका थिए। जबकि, २०११, २०१५ र २०१८ मा जोकोभिच र २०१३, २०१७ र २०१९ मा नाडाल विजेता बनेका थिए।

यसअघि थिएम ग्रान्डस्लाम प्रतियोगिता पे्रmन्च ओपन, अस्टे«लियन ओपनको फाइनलमा पुगेका थिए। तर, उनी पे्रmन्च ओपनका २०१८ र २०१९ दुई संस्करणमा लगातार नाडालसँग पराजित भए। यस्तै, यसै वर्षको अस्टे«लियन ओपनमा जोकोभिचसँग उनी हारेका थिए।

LEAVE A REPLY

Please enter your comment!
Please enter your name here