Tuesday, October 27, 2020

Tuesday, October 27, 2020
आर्थिक अनलाइनबाटै टिकट बुकिङ गर्ने व्यवस्था मिलाउन निर्देशन

अनलाइनबाटै टिकट बुकिङ गर्ने व्यवस्था मिलाउन निर्देशन

Published:

On: Nepal

नेपाल अनलाइन पत्रिका | काठमाडौं: दशैं, तिहार लगायत ठूला चाडवाडमा यात्रुलाई सहज रुपमा आवागमन गर्ने व्यवस्था मिलाउन संसदीय समितिले सरकारलाई निर्देशन दिएको छ ।

संसदको विकास तथा प्रविधि समितिले भौतिक पूर्वाधार तथा यातायात व्यवस्था मन्त्रालयसँग छलफल गरेपछि यस्तो निर्देशन दिएको हो ।

शुक्रबार समितिले आयोजना गरेको भर्चुअल छलफलमा समितिका सभापति कल्याणी खड्का लगायत समितिका सदस्यहरुका साथै भौतिक पूर्वाधार तथा यातायात एवं शहरी विकासमन्त्री वसन्त कुमार नेम्बाङ, मन्त्रालयका सचिव देवेन्द्र कार्की तथा ट्राफिक प्रहरी महाशाखाका प्रतिनिधि र विज्ञ समेतको सहभागिता थियो ।

केही समय अघिमात्रै भएको अविरल बर्षाका कारण आएको बाढीपहिरो र यसले पुर्याएको क्षतिका कारण सार्वजनिक सवारी साधनको आवागमनमा असर पर्नसक्ने अवस्था रहेका कारण त्यसलाई सहज बनाउन र सार्वजनिक यात्राका क्रममा हुनसक्ने कोभिड संक्रमणको जोखिमलाई न्यूनीकरण गर्ने सम्बन्धमा आवश्यक निर्देशन दिइएको समितिले जनाएको छ ।

सो निर्देशनमा बाढी पहिरोका कारण बन्द भएको सडक यातायातलाई सुचारु गर्ने, यात्रा गर्दा तथा खाना खाँदा तोकिएको स्वास्थ्य मापदण्ड पालना गराउने, सहज रुपमा टिकट काट्ने व्यवस्था गर्ने र अनलाइनमार्फत् टिकट बुकिंग गर्ने व्यवस्था समेत गर्ने, लामो दूरीका सवारीसाधनको फिटनेस टेष्ट अनिवार्य रुपमा गराउने व्यवस्था गर्ने लगायत विषय समावेश गरिएका छन् । त्यस्तै, बाढी पहिरोका कारण जोखिमयुक्त वस्तीका वासिन्दालाई तत्कालै सुरक्षित स्थानमा स्थानान्तरण गर्न गृह मन्त्रालयलाई समेत निर्देशन दिएको छ ।

यस्तो छ, समितिको निर्देशन:

  • १. हालैको अविरल बर्षाको कारण बाढीपहिरोले पुल, बाटोघाटो आदिमा पुर्याएको क्षतिबाट नजिकिँदै गरेको चाडपर्वमा यात्रुहरुलाई पर्न जाने असुविधा रकठिनाइलाई तत्काल समाधान गर्न एवं सडक यातायातलाई पूर्णरुपमा सुचारु गर्न समिति भौतिक पूर्वाधार तथा यातायात मन्त्रालयलाई निर्देश गर्दछ ।
  • २. सवारी साधन सञ्चालन गर्दा स्वास्थ्य मन्त्रालयले तोकेको मापदण्ड पूर्ण पालना गर्न गराउन,खाना खुवाउने स्थानमा सामाजिक दूरी कायम गर्न,सवारी साधन चढ्दा, ओर्लदा अनिवार्य रुपमा मास्क तथा स्यानिटाइजरको प्रयोग गर्ने व्यवस्था कडाइको साथ लागू गर्न गराउन समिति भौतिक पूर्वाधार तथा यातायात मन्त्रालयलाई निर्देश गर्दछ ।
  • ३. लामोदूरीका सवारी साधनहरुमा टिकट बिक्रि ९टिकट काउन्टर तथा अनलाइन० तथा सहज स्थानबाट वितरण गर्ने व्यवस्था प्रभावकारी रुपमा कार्यान्वयन गर्न समिति भौतिक पूर्वाधार तथा यातायात मन्त्रालयलाई निर्देश गर्दछ ।
  • ४. वर्षायाममा बाढीपहिरोबाट धेरै जनधनको क्षति हुनेगरेको हुदा जोखिमपूर्ण स्थानमा रहेका मानववस्तीहरुलाई सुरक्षित स्थानमा स्थान्तरण गर्ने कार्य प्रभावकारीरुपमा कार्यान्वयन गर्न समिति नेपाल सरकार गृह मन्त्रालयलाई निर्देश गर्दछ ।
  • ५. कोभिड १९ को महामारीको कारण धेरै समयदेखि बन्द भएका लामोदूरीका सवारीसाधनहरुको अनिवार्यरुपमा फिटनेस टेष्ट गर्न एवं सार्वजनिक सवारी साधनमा स्वास्थ मन्त्रालयले तोकेको स्वास्थ्य मापदण्ड अनिवार्य रुपमा पालना भए नभएको प्रभावकारीरुपमा अनुगमन एवं नियमन गर्न समिति भौतिक पूर्वाधार तथा यातायात मन्त्रालय ,सडक विभाग,यातायात व्यवस्था विभाग र ट्राफिक प्रहरी कार्यालयलाई निर्देश गर्दछ ।

सम्बन्धित समाचार

खाली ग्यास सिलिण्डरको मूल्य २१ सय तोकियो

अब खाना पकाउने नयाँ ग्यास सिलिण्डर किन्दा २१ सय तिर्नुपर्ने भएको छ। नेपाल ग्यास उद्योग संघले एलपीजी ग्यासको खाली सिलिन्डरको धरौटी रकम दुई हजार एक सय रुपैयाँ कायम गरेको जनाएको छ।

काठमाडौंमा आनाको १० लाखभन्दा कम मूल्यमा घडेरी पाइने यी १२ ठाउँ

काठमाडौंमा आनाको १० लाखभन्दा कम मूल्यमा घडेरी पाइने यी १२ ठाउँ

सरकारले आन्तरिक पर्यटन प्रवद्र्धनका लागि विशेष प्याकेज ल्याउने

कोरोना संक्रमणको दर कम भए सरकारले आन्तरिक पर्यटन प्रवद्र्धनका लागि विशेष प्याकेज ल्याउने भएको छ । ६ महिनादेखि ठप्प रहेको पर्यटन क्षेत्रलाई चलायमान बनाउन सरकारले विशेष प्याकेज ल्याउने तयारी गरेको हो ।

नेपाल-चीन सम्बन्धको चर्चा भारतीय संसदमा

भारतका विदेश राज्यमन्त्री भी. मुरलीधरनले चीनसँग नेपालको बढ्दो निकटताले भारतसँगको सम्बन्धमा कुनै असर नगर्ने जनाएका छन्। भारतको राज्यसभामा उनले नेपाल र भारतको सम्बन्ध आफ्नै विशेषतामा आश्रित रहेको योग्यताको आधारमा अघि बढेको जनाउँदै अन्य देशसँग तुलना नहुने समेत बताए।

ताजा समाचार

भूकम्पपीडितलाई घर बनाउन लालपूर्जा दिने तयारी

जग्गाधनी प्रमाणपूर्जा नभएका तनहुँका २७ भूकम्पपीडित घरधुरीलाई जग्गाधनी प्रमाणपूर्जा वितरण गरिने भएको छ।

पल शाहले सियोनाको लागि दशै दक्षिणा स्वरुप टिकाकै दिन १ लाख प्रदान

यतिबेला दशैको माहौल छ । मान्यजनबाट टीका र आशीर्वाद लिने क्रम चलिरहेको छ । यता सेलिब्रेटिहरुले पनि आफ्नो दशै टिकाको तस्वीरहरुलाई सामाजिक संजाल फेसबुकमा सार्बजनिक गरिरहेका छन् ।

खान छा’डेर होइन खाने तरिका मिलाएर हुन्छ तौ’ल नि’यन्त्रण

जब राम्ररी च’पाएर खानेकुरा सेवन गरिन्छ, अर्थात ठो’स खानेकुरालाई मु’खमै त’रल बनाएर निल्छौं, तब मो’टोपन बढ्ने संभावना कम हुन्छ ।

हेलिकप्टर उडाएर मानिसहरुको ज्यान बचाउने नेपालकी एक मात्र महिला उद्धार पाइलट

३१ वर्षकी प्रिया अधिकारी नेपालकी एकमात्र महिला उद्धार पाइलट हुन् । प्रिया सगरमाथाको उचाइभन्दा माथिको उचाइमा हेलिकप्टर उडाएर मानिसहरुको ज्यान बचाउँछिन् र त्यहाँ पुगेका सहयोगीलाई सहयोग गर्छिन् ।