अर्जेन्टिनाले जित्यो कोपा अमेरिका २८ वर्षपछि

प्रकाशित:

Share Now!

नेपाल अन्लाईन पत्रिका – काठमाडौं। ४७ औं संस्करणको कोपा अमेरिका फुटबलको उपाधि अर्जेन्टिनाले जितेको छ। माराकाना स्टेडियममा आइतबार बिहान सम्पन्न खेलमा साविक विजेता ब्राजिललाई १ – ० गोल अन्तरले पराजित गर्दै अर्जेन्टिनाले उपाधि जितेको हो।

अर्जेन्टिनाको जितमा एन्जिल डि मारियाले निर्णायक गोल गरे। पहिलो हाफको २२ औं मिनेटमा गोल गर्दै डि मारियाले अर्जेन्टिनालाई महत्वपूर्ण सुरुवाती अग्रता दिलाएका थिए।

रोड्रिगो डि पउलले उपलब्ध गराएको लङ पासमा गोल गर्दै डि मारियाले महत्वपूर्ण अग्रता दिलाएका थिए। उक्त गोल नै अर्जेन्टिनालाई जित दिलाउन निर्णायक बन्यो। दोस्रो हाफको ५३ औं मिनेटमा रिचार्लिसनले गोल गरेका थिए। तर, उक्त गोलले मान्यता पाएन।

अर्जेन्टिनाले २८ वर्ष लामो उपाधिको खडेरीलाई तोड्दै १५ औं पटक कोपा अमेरिकाको उपाधि उचालेको हो। सन् १९९३ मा कोपा अमेरिकको उपाधि जिते पश्चातको २८ वर्षसम्म अर्जेन्टिनाले कुनै पनि ठुलो उपाधि उचाल्न सकेको थिएन।

यस्तै महान खेलाडी तथा अर्जेन्टिनाका कप्तान लियोनल मेस्सीले आफ्नो देशलाई पहिलो उपाधि दिलाएका छन। ३४ वर्षिया मेस्सीले यसभन्दा अघि आफ्नो देशका लागि नभएर क्लब फुटबलको लागि मात्रै खेल्ने गरेको आलोचना सहनु परेको थियो।

यो समाचार पढेर तपाईलाई कस्तो लाग्यो?

नेपाल अन्लाईन पत्रिकामा प्रकाशित कुनै समाचारमा तपाईंको गुनासो भए, कुनै विचार वा विश्लेषण, सल्लाह र सुझाव र समाचार प्रकासित गर्नु परेमा वा बिज्ञापन दिनु परेमा हामीलाई nepalonlinepatrika@gmail.com मा इमेल गर्न सक्नुहुनेछ । हामीसँग तपाईं फेसबुक र ट्विटरमा पनि जोडिन सक्नुहुन्छ ।

सम्बन्धित समाचार

FOLLOW US

ट्रेन्डिङ समाचार

ताजा समाचार

X