यस्ता कुरामा विशेष ध्यान दिन जरुरी ग्यास्ट्राइटिस कम गर्न

नेपाल अनलाइन पत्रिका:

Share Now!

 नेपाल अन्लाईन पत्रिका – काठमाडौं। ग्यास्ट्राइटिस नेपालीको आमसमस्या हो । अव्यवस्थित जीवनशैली र खानपानका कारण मानिसमा ग्यास्ट्राइटिस हुने गर्छ । यो पेटको समस्या हो । **यो समाचारको भिडियो हेर्न तल क्लिक गर्नु **

यसैबाट अनेक रोग जन्मने गर्छ । त्यसैले यसको समयमै उपचार गर्न जरुरी हुन्छ । ग्यास्ट्राइटिस कम गर्न खानाको पनि विशेष भूमिका हुने भएकाले यसमा विशेष ध्यान दिन जरुरी हुन्छ ।

एन्टिअक्सिडेन्टयुक्त खाना

ग्यास्ट्राइटिसको समस्या भएकाले एन्टिअक्सिडेन्टयुक्त खाद्यपदार्थको प्रयोग गर्नुपर्छ । जस्तो कि– भिटामिन सी, ए, फ्ल्याभोनोइड, क्यारोटेनोइड, फाइटोकेमिकलयुक्त खाद्यपदार्थको सेवन गर्नुपर्छ । जसले सुन्निएको पेटको भित्री तहलाई कम गर्छ । ताजा फलफूल, सागसब्जी, प्याज, लसुन, अदुवा, बेसार, ब्रोकाउली, बन्दाकोबी, कालो चामल आदिबाट पनि प्रशस्त मात्रामा एन्टिअक्सिडेन्ट पाउन सकिन्छ ।

प्रोबायोटिकयुक्त खाना
प्रोबायोटिकले हेलिकोब्याक्टर पाइलोरी नामक ब्याक्टेरियालाई नष्ट गर्ने काम गर्छ । जुन ब्याक्टेरिया ग्यास्ट्राइटिसको प्रमुख कारणमध्ये एक हो । दही, मही, प्रोबायोटिक सप्लिमेन्ट आदिमा प्रोबायोटिकको मात्रा हुन्छ ।

लसुन
लसुनलाई परम्परागत औषधिका रूपमा पनि लिइन्छ । यसलाई पकाएर वा काँचै पनि प्रयोग गर्न सकिन्छ । लसुनमा प्राकृतिक एन्टिबायोटिक, एन्टिइन्फ्लामेटरीलगायतका तत्व हुन्छन् । जसले हेलिकोब्याक्टर पाइलोरी ब्याक्टेरियालाई नष्ट गर्ने काम गर्छ । यो ब्याक्टेरिया पनि ग्यास्ट्राइटिस गराउने अर्को मुख्य कारक हो । लसुनले पेटमा ग्यास्ट्राइटिसका कारण पर्न गएको असरलाई पनि कम गर्न सहयोगी भूमिका खेल्छ ।

फाइबरयुक्त खाना
फाइबरयुक्त खाद्यपदार्थ निकै स्वास्थ्यवद्र्धक मानिन्छ । यस्ता खानाले ग्यास्ट्राइटिसका साथै पाचन प्रक्रियासँग सम्बन्धित अन्य समस्याको पनि समाधान गर्ने विभिन्न अध्ययनले देखाएका छन् । हार्वर्ड स्कुल अफ पब्लिक हेल्थको अनुसन्धानअनुसार बढी फाइबर भएको खानाको सेवनले अल्सर हुने सम्भावना ६० प्रतिशत कम गर्छ । आल्मोन्ड, आँटा, ब्राउन राइस, चिया सिड, आलस, भिजाएको गेडागुडी, टुसा उमारिएका गेडागुडी, फलफूल, सागसब्जी आदिमा अत्यधिक मात्रामा फाइबर हुने गर्छ ।

स्वस्थकर प्रोटिन
घाँस खुवाइएको पशुको मासु, खुला पालिएको कुखुराको मासु, खोरबाहिरको अन्डा, गेडागुडी, स्पाइरुलिना आदिलाई स्वस्थकर प्रोटिनको स्रोतका रूपमा लिइन्छ । हर्मोन र एन्टिबायोटिक बढी प्रयोग गरिएको मासुले भने ग्यास्ट्राइटिसको असरलाई थप बढाउने काम गर्छ ।

स्वस्थकर फ्याट
तेलमा तारेका र तेलयुक्त खानेकुरा जस्तै– ससेज, फ्राई आलु, चिप्स, समोसा, जुलेबीलगायतका खाद्यपदार्थको प्रयोग गर्नु हुँदैन । त्यस्तै, मासुमा पाइने बोसो हानिकारक फ्याट हो । यस्ता फ्याटलाई सकेसम्म दैनिक डाइटबाट हटाउन सक्नुपर्छ, नत्र घटाउँदै लैजानुपर्छ । ओमेगा थ्री फ्याटी एसिडलाई भने स्वस्थकर फ्याटका रूपमा लिइन्छ । यसको नियमित प्रयोगले भने ग्यास्ट्राइटिसको असर कम गर्छ । माछामा पाइने तेल, आल्मोन्ड, काजु, एभोकाडो, आलस, चिया सिड आदिमा ओमेगा थ्री फ्याट पाइन्छ ।

यो समाचार पढेर तपाईलाई कस्तो लाग्यो?

नेपाल अन्लाईन पत्रिकामा प्रकाशित कुनै समाचारमा तपाईंको गुनासो भए, कुनै विचार वा विश्लेषण, सल्लाह र सुझाव र समाचार प्रकासित गर्नु परेमा वा बिज्ञापन दिनु परेमा हामीलाई [email protected] मा इमेल गर्न सक्नुहुनेछ । हामीसँग तपाईं फेसबुक र ट्विटरमा पनि जोडिन सक्नुहुन्छ ।

भिडियो
Video thumbnail
प्रचण्ड "जनता र कार्यकर्ता बिग्रेको होइन, हामी नेता बिग्रेको हो!" Prachanda
01:56
Video thumbnail
एमाले सांसद झाले भनिन्- मैले सभामुखलाई नै माइकले हिर्काउन खोजेकी हुँ
01:20
Video thumbnail
सभामुख अग्नि सापकोटासँग एमाले अध्यक्ष केपी ओली आक्रोशित || KP Sharma Oli ||
03:14
Video thumbnail
ओलीको प्रश्न- एमसिसी के गर्नुहुन्छ प्रधानमन्त्रीज्यू? KP OLI - MCC
02:07
Video thumbnail
प्रचण्डलाई ओलीको जवाफ- आगोलाई एकदुई बाल्टिन पानीले निभाएको पनि सम्झना रहोस् kp oli vs prachanda
02:15
Video thumbnail
कोमल वलीको टिप्पणी : उच्चस्तरीय राजनीतिक संयन्त्र बन्नु भनेको सरकार कमजोर हुनु हो
03:08
Video thumbnail
रौतहटमा खत्रा हाना हान | Rautaha Fight
02:03
Video thumbnail
ओलीको उद्घोष माधव नेपालजस्ता आन्दोलन विरोधी, देशद्रोहीलाई कुनै ठाँउ छैन KP OLI
01:42
Video thumbnail
"प्रचण्डको भर छैन माओबादीले फेरी धोका दिएर हिड्न सक्छ": गगन थापा
05:11
Video thumbnail
चक्रपथमा मातेर ट्राफिक प्रहरी थर्काउने पूर्वयुवराज पारस शाहसँग समर्थकको सेल्फी ! (भिडियोसहित)
03:47

सम्बन्धित समाचार

FOLLOW US

ट्रेन्डिङ समाचार

ताजा समाचार