spot_img

भारत-चीन सीमा विवादः भारतले चीन तयार छैन भनेपछि चीनले खोल्यो फायर, अब मोदी के गर्लान् ?

भारत र चीनबीच पूर्वी लद्दाखमा एलएसी अर्थात् वास्तविक नियन्त्रण रेखामा रहेको सीमा विवाद समाधान गर्न हिजो आइतवार भएको भएको १३ औँ चरणको वरिष्ठ सैन्य कमान्डरको स्तरको वार्ता पनि निष्कर्षविहीन भएको छ ।

nepal online patrika

नेपाल अनलाइन पत्रिका संवाददाता

International

नेपाल अनलाइन पत्रिका – काठमाडौं। भारत र चीनबीच पूर्वी लद्दाखमा एलएसी अर्थात् वास्तविक नियन्त्रण रेखामा रहेको सीमा विवाद समाधान गर्न हिजो आइतवार भएको भएको १३ औँ चरणको वरिष्ठ सैन्य कमान्डरको स्तरको वार्ता पनि निष्कर्षविहीन भएको छ । ***यो समाचारको भिडियो हेर्न तल क्लिक गर्नु ***

चीन एलएसीमा यथास्थिति बहाल गर्न तयार नभएको भारतले बताएको छ । अहिले पूर्वी लद्दाखमा एलएसीमा दुई देशबीच हट स्प्रिङ्स, डेपसाङ्ग बल्ज र चार्डिङ्ग नुल्लाह जन्क्शनलाई लिएर विवाद छ ।

यो वार्तापछि दुई देशका सेनाको तर्फबाट विज्ञप्ति जारी गरिएको छ । भारतले स्थितिको गलत आकलन गर्नुको साटो वार्तालाई लक्ष्यसम्म पुर्याउनुपर्ने बताएको छ । भारतीय सेनाले भने चीनसँच रचनात्मक सल्लाह राखिएको तर ऊ मान्नका लागि तयार नभएको बताएको छ ।

भारतीय सेनाको तर्फबाट जारी विज्ञप्तिमा भनिएको छ– चिनियाँ पक्षसँग भारतले विवाद समाधानका लागि रचनात्मक सल्लाह दियो तर चीन सहमत भएन । चीनले भने भारतले पूरै मामिलामा अनुचित र अवास्तविक माग राखेको विज्ञप्तिमा जनाएको छ ।

भारतका सेना प्रमुख जनरल मनोज मुकुन्द रनवणेले गएको हप्ता चीनले एलएसी नजिक ठूला पूर्वाधारहरू बनाइरहेको र त्यहाँका सेना दोस्रो हिउँदमा पनि पछि नहट्ने सोचिरहेको आफूलाई लागिरहेको बताउनुभएको थियो । जनरल नरवणेले यदि चीन पछि नहटे भारत पनि पछि नहट्ने बताउनुभएको थियो ।

चीनको तर्फबाट जारी गरिएको विज्ञप्तिमा भारतले अनुचित र अवास्तविक माग उठाइरहेको र अवस्था झन् कठिन बनिरहेको देखिएको उल्लेख छ । चीनले भारतलाई कुनै पनि परिस्थितिको गलत आकलन नगर्न भनेको छ ।

चीनको पिपुल्स लिबरेशन आर्मी (पीएलए) वेस्टर्न थिएटर कमान्डका प्रवक्ता सिनियर कर्णेल लङ्ग शाहोआका अनुसार दुई देशबीचको यो वार्ता मोल्दो–चुशूल मिटिङ प्वाइन्टमा चिनियाँ क्षेत्रमा भएको हो ।

यस बैठकपछि एक विज्ञप्तिमा सिनियर कर्णेल लङ्गले चीनले सीमामा देखिएको समस्या समाधान गर्न र अहिलेको अवस्था साम्य गर्नका लागि धेरै प्रयास गरेको र दुई सेनाबीच सम्बन्ध बनाइराख्नका लागि आफ्नो पूरै इमानदारी देखाएको उल्लेख छ ।

उहाँले भारतलाई दुई सेनाबीच भएको सम्झौता र सहमति पालना गर्न आह्वान गर्नुभएको छ । साथै उहाँले भारतले इमानदारी देखाउने र विवादित क्षेत्रमा शान्ति, स्थिरताका लागि चीनसँग मिलेर काम गर्ने बताउनुभयो ।

भारत र चीनबीच सीमामा गएको वर्ष गम्भीर स्थिति उत्पन्न भएको थियो । सन् २०२० मे १ मा दुई देशको सेनाबीच पूर्वी लद्दाखको पेंगोंग त्सो तालको नर्थ बैंकमा झडप भएको थियो । यो झडपमा दुवै पक्षका केही सैनिक घाइते भएका थिए ।

त्यसपछि जुन १५ मा गलवान उपत्यकामा एक पटक फेरि दुई देशका सैनिक बीच झडप भयो । यो झडपमा दुवैतर्फका केही सैनिकको ज्यान पनि गएको थियो ।

गलवान उपत्यकामा भएको झडपपछि दुवै देशका प्रतिनिधिबीच विभिन्न चरणको वार्ता भयो । अन्ततः यस वर्षको फेब्रअरीमा दुई देशका विदेश मन्त्रीको बैठकमा भएको सहमतिपछि यस वर्षको फेब्रुअरीमा सीमा क्षेत्रबाट पछि हट्ने प्रक्रिया पनि सुरु भएको थियो । अहिलेसम्म दुई देशबीच १३ औँ चरणको सैन्य वार्ता भइसकेको छ तर कुनै निष्कर्ष निस्किएको छैन ।

यो समाचार पढेर तपाईलाई कस्तो लाग्यो?

नेपाल अन्लाईन पत्रिकामा प्रकाशित कुनै समाचारमा तपाईंको गुनासो भए, कुनै विचार वा विश्लेषण, सल्लाह र सुझाव र समाचार प्रकासित गर्नु परेमा वा बिज्ञापन दिनु परेमा हामीलाई [email protected] मा इमेल गर्न सक्नुहुनेछ । हामीसँग तपाईं फेसबुक र ट्विटरमा पनि जोडिन सक्नुहुन्छ ।

भिडियो
Video thumbnail
साफ च्याम्पियनसिप फाइनलमा नेपाली प्रशिक्षक अलमुताईरीलाइ साफले खेल मैदानमा छिर्न प्रतिबन्ध लगायो
02:59
Video thumbnail
प्रचण्ड "जनता र कार्यकर्ता बिग्रेको होइन, हामी नेता बिग्रेको हो!" Prachanda
01:56
Video thumbnail
एमाले सांसद झाले भनिन्- मैले सभामुखलाई नै माइकले हिर्काउन खोजेकी हुँ
01:20
Video thumbnail
सभामुख अग्नि सापकोटासँग एमाले अध्यक्ष केपी ओली आक्रोशित || KP Sharma Oli ||
03:14
Video thumbnail
ओलीको प्रश्न- एमसिसी के गर्नुहुन्छ प्रधानमन्त्रीज्यू? KP OLI - MCC
02:07
Video thumbnail
प्रचण्डलाई ओलीको जवाफ- आगोलाई एकदुई बाल्टिन पानीले निभाएको पनि सम्झना रहोस् kp oli vs prachanda
02:15
Video thumbnail
कोमल वलीको टिप्पणी : उच्चस्तरीय राजनीतिक संयन्त्र बन्नु भनेको सरकार कमजोर हुनु हो
03:08
Video thumbnail
रौतहटमा खत्रा हाना हान | Rautaha Fight
02:03
Video thumbnail
ओलीको उद्घोष माधव नेपालजस्ता आन्दोलन विरोधी, देशद्रोहीलाई कुनै ठाँउ छैन KP OLI
01:42
Video thumbnail
"प्रचण्डको भर छैन माओबादीले फेरी धोका दिएर हिड्न सक्छ": गगन थापा
05:11

सम्बन्धित समाचार

FOLLOW US

ट्रेन्डिङ समाचार

ताजा समाचार