सोमवार, मंसिर १३, २०७८
spot_img

फोहोरै फोहोर ट्रेकिङ रुटमा

पर्यटन व्यवसायी मोहन भण्डारी केही दिनअघि डेनमार्कका पाहुना लिएर अस्ट्रेलियन बेस क्याम्प हुँदै धम्पुस झर्दै थिए । उज्यालो खुलेको हिमशृंखलासँगै नेपाली मौलिकता अनुभव गर्न आएका ती पाहुना टोली बीचैमा नाक खुम्च्याउन बाध्य भए । कारण थियो, ट्रेकिङ रुटभरि मनलाग्दी फोहोर ।

nepal online patrika

नेपाल अनलाइन पत्रिका संवाददाता

spot_img

Trekking route

नेपाल अनलाइन पत्रिका – काठमाडौं। पर्यटन व्यवसायी मोहन भण्डारी केही दिनअघि डेनमार्कका पाहुना लिएर अस्ट्रेलियन बेस क्याम्प हुँदै धम्पुस झर्दै थिए । उज्यालो खुलेको हिमशृंखलासँगै नेपाली मौलिकता अनुभव गर्न आएका ती पाहुना टोली बीचैमा नाक खुम्च्याउन बाध्य भए । कारण थियो, ट्रेकिङ रुटभरि मनलाग्दी फोहोर । ***यो समाचारको भिडियो हेर्न तल क्लिक गर्नु ***

पछिल्लो समय नेपालीहरुमा घुम्ने संस्कार बढेसँगै गाउँगाउँमा समेत पर्यटन फस्टाएको छ । त्यसमा पनि पोखरादेखि नजिकै पर्ने अन्नपूर्ण बेस क्याम्प, मार्दी हिमाल, अस्ट्रेलियन बेस क्याम्प लगायत ठाउँमा पदयात्रा गर्नेको संख्या हृवात्तै बढेको छ । तर, पदयात्रीहरुले प्लास्टिक तथा सिसाजन्य फोहोरहरु व्यवस्थित तरिकाले व्यवस्थापन नगर्दा वातावरण नै दुषित भएको पर्यटन व्यवसायीको गुनासो छ ।

ट्रेकिङ ट्रेलभरि प्लास्टिक, बियरका बोत्तल र टुक्रिएका सिसैसिसा देखिँदा पाहुनाहरुसमेत दुःखी भएको व्यवसायी भण्डारीले सुनाए । अति भएपछि विदेशीहरुले बाटोमा भएका फोहोर संकलन गर्न सुरु गरेका थिए ।

‘चाउचाउका खोल, क्यान बियर, मिनरल वाटरको बोत्तल त कत्ति हो कत्ति !’ उनले अनलाइनखबरसँग भने, ‘अस्ट्रेलियन बेस क्याम्पदेखि धम्पुससम्म आइपुग्दा १२ किलोभन्दा बढी फोहोर जम्मा भयो ।’ उनले फोहोर बोक्न भरिया नै लगाउनु परेको सुनाए ।

बाटोभरि यत्रतत्र फालिएका ती फोहोर विदेशी पर्यटकले फालेका भने होइनन् । पदयात्रामा गएका नेपाली, त्यसमा पनि युवा वर्ग बढी नै उच्छृंखल भएको भण्डारीको अनुभव छ ।

‘विदेशीहरु एजेन्सीको सम्पर्कबाट जाने हुन् । पछिल्लो समय नेपालीहरु आफैं समूह बनाएर घुम्न निस्किने चलन बढेको छ । यो राम्रो कुरा हो,’ उनले भने, ‘तर, उनीहरुलाई नै बाटोमा बियर समाउँदै हिँडुनुपर्छ । मातको तालमा बाटोभरि सिसा फोड्दै हिँड्छन् ।’

पर्यटन व्यवसायी प्रेम राई पनि पछिल्लो समय नेपालीहरुमा घुम्ने परम्पराको विकास भए पनि संस्कार सिक्न भने बाँकी रहेको बताउँछन् । उनले पनि नेपालका ट्रेकिङ रुटहरु नेपाली युवाहरुले नै फोहोर गर्दै हिँडेको बताउँछन् ।

‘एक किसिमले कोभिड महामारीपछि आन्तरिक पर्यटकले नै पर्यटनको अर्थतन्त्र चलायमान बनाएका छन् । तर, त्यो सँगसँगै अत्याधिक विकृति पनि फैलिँदै गएको छ,’ राई भन्छन्, ‘कलेज पढ्ने, जागिरदेखि छुट्टी मिलाएर घुम्न जाने संस्कृति बढेको छ । तर, कहाँ कसरी प्रदुषण कम गर्न सकिन्छ भन्ने सिक्न अझै बाँकी छ ।’

पर्यटन व्यवसायी मोहन भण्डारी चाउचाउजन्य खानेकुराका खोलहरु खुला ठाउँमा फाल्दा वन्यजन्तुलाई पनि असर गरेको सुनाउँछन् । चाउचाउ, बिस्कुटलगायतका खोलमा नुनिलो पदार्थ रहने र वन्यजन्तुले नुनको खाजीमा सींगै प्लास्टिक नै खाइरहेको समेत भेटिएको उनले जानकारी दिए । ‘कति ठाउँमा प्लास्टिक खाएरै मरेका वन्यजन्तु पनि भेटिन थालेका छन्,’ उनले भने ।

पछिल्लो समय चर्चामा आएको मर्दी हिमाल ट्रेकमा समेत उस्तै बिजोग छ । नेपाली युवाहरु जंगलको बाटो हिँड्दासमेत ठूलोठूलो स्वरमा स्पिकर बजाउँदै अन्य यात्रीलाई समेत असर पार्दै हिँड्ने गरेको पदयात्रीले गुनासो गर्ने गरेका छन् ।

टुरिस्ट बसपार्कमा पनि फोहोरैफोहोर !

यता, पोखराको टुरिस्ट बसपार्क समेत उस्तै फोहोर छ । यात्रीले प्रयोग गरेका बियर, पानी, चाउचाउजन्य पदार्थको खोल व्यवस्थित तरिकाले नराख्दा विदेशी पर्यटकमा समेत नराम्रो प्रभाव परेको पर्यटन व्यवसायीको गुनासो छ ।

पोखरादेखि काठमाडौं जानेक्रममा विदेशीले टुरिस्ट बसपार्क एकदमै फोहोर भएको र त्यसमा ध्यान नदिएको गुनासो गरेको आरबी राजले बताए । टुरिस्ट बसपार्कमा थुपि्रएको फोटो सामाजिक सञ्जालमा राख्दै उनले लेखेका छन्, ‘नवनिर्मित टुरिस्ट बसपार्क पुग्दा स्थिति एकदमै फरक भयो । यसलाई बसपार्क भन्ने कि डम्पिङ साइट ? साथीले के सन्देश लिएर गयो होला ?’

पोखरा लेकसाइडकै पामे क्षेत्रमा पनि नेपालीहरु घुम्न जाने र आफूले प्रयोग गरेका प्लास्टिकजन्य पदार्थहरु त्यहिँ फालेर जाने गरेको व्यवसायी प्रेम राईले सुनाए । ‘बियरका बोटल सिधैं फेवातालमा फाल्छन् । देखे बुझेसम्म त्यसो नगर भन्ने गरेका छौं । तर, सधैं सम्भव पनि हुँदैन,’ उनले भने । प्रकृतिको सुन्दरता नियाल्न आएका विदेशी पर्यटक यहाँका फोहोर देखेरै घिन मान्ने स्थिति आइसकेको उनले चिन्ता व्यक्त गरे ।

पदयात्रीले पदयात्राको नियम मानिदिनुपर्‍यो : टान गण्डकी

पदमार्ग तथा पदयात्रासम्बन्धी प्रवर्द्धन तथा सहजीकरण गर्दै आइरहेको संस्था ट्रेकिङ एजेन्सिज एशोसिएसन अफ नेपाल (टान) गण्डकीका अध्यक्ष सुशील पौडेल पनि पछिल्लो समय पदमार्गहरुमा फोहोर थुप्रिदै गएको र वातावरणीय असर पर्दै गइरहेको स्वीकार्छन् ।

जलवायु परिवर्तनले उग्र रुप लिइरहेका बेला पदयात्रामा जाने पदयात्रीले समेत वातावरणमैत्री पदयात्राबारे सामान्य जानकारीसहित नियम मान्नुपर्ने पौडेलको सुझाव छ ।

सिसा तथा प्लास्टिकजन्य पदार्थ र होहल्लामुक्त पदयात्राको पक्षमा आफूहरु पनि रहेको र त्यसका लागि त्यहाँ जाने पर्यटकलाई पहिल्यै जानकारी र सूचना सम्प्रेषण पनि गरिरहेको पौडेलले सुनाए । ‘पहिले पर्यटक नभएर आत्तियौं । तर, अहिले पर्यटकलाई वातावरणमैत्री बन्नुपर्यो, कोड अफ कन्डक्ट मानिदिनु पर्‍यो भनिरहेका छौं,’ उनले भने ।

पौडेलले टानसँग आवद्ध भएका ट्रेकिङ संघसंस्थाका गाइडलाई पदयात्रामा पाहुना लैजाँदा फोहोरजन्य पदार्थ व्यवस्थापन गर्न आग्रह गरिरहेको सुनाए । उनले पदमार्गमा भएका विभिन्न चेकपोस्टमा गाइडलाई झोला वितरण गरेरै भए पनि फोहोर व्यवस्थापन गर्ने प्रयास भइरहेको सुनाए ।

‘पदमार्गमा भएका चेकपोस्टमा झोला उपलब्ध गराउँछौं । तर, सबै एजेन्सी थु्र गाइड लिएर जाने कुरा हुँदैन । फेरि एक जनालेमात्रै फोहोर उठाएर पनि हुँदैन,’ पौडेलले भने, ‘यसका लागि सम्बन्धित ठाउँ नै सुसूचित हुनुपर्छ । पदयात्रीले पनि जानकारी राख्नुपर्छ । जनचेतना जगाउन सरकारसँग टानले मिलेर काम गर्न इच्छुक छौं ।’

पौडेलले पदयात्राका क्रममा पछिल्लो समय बढी जाँडरक्सी खाने परम्पर विकास हुँदै जाँदा समस्या निम्तिरहेको बताए । ‘नेपाली हुन् या विदेशी हाम्रा लागि पर्यटक बराबर हुन् । गाली गर्न मिल्दैन । तर, केहीकेही कुरामा भने उहाँहरुले ध्यान दिनुपर्छ,’ उनले भने ।

यो समाचार पढेर तपाईलाई कस्तो लाग्यो?

Facebook Notice for EU! You need to login to view and post FB Comments!

नेपाल अन्लाईन पत्रिकामा प्रकाशित कुनै समाचारमा तपाईंको गुनासो भए, कुनै विचार वा विश्लेषण, सल्लाह र सुझाव र समाचार प्रकासित गर्नु परेमा वा बिज्ञापन दिनु परेमा हामीलाई [email protected] मा इमेल गर्न सक्नुहुनेछ । हामीसँग तपाईं फेसबुक र ट्विटरमा पनि जोडिन सक्नुहुन्छ ।

भिडियो
Video thumbnail
एमाले महाधिवेशनको अन्तिम दिन साैराहाकाे चहलपहल
02:12
Video thumbnail
एमालेमा ओलीको डनवाद मात्रै बाँकी छ - gagan thapa
01:57
Video thumbnail
नेकपा एमाले १० औं राष्ट्रिय महाधिवेशनको बन्द सत्रमा केपी ओलीको सम्बोधन || KP OLI
02:09:11
Video thumbnail
प्रचण्डको घरमा भ्रष्टाचार मात्रै ज्वाईं र बुहारीको रजाइ, घर भित्र छिरेका दुर्गा प्रसाईंले खोले पोल
01:56
Video thumbnail
मन्त्रीले चासो देखाउँदा एजेण्टहरुको ठगिबाट जोगिए बैदेशिक रोजगारीमा जान लागेका युवा
02:33
Video thumbnail
हिन्दी फिल्मको डाइलग प्रसंगमा नेपाललाई ओलीको जवाफ
01:18
Video thumbnail
न्यायिक क्षेत्रमा क्यान्सर भइसकेको छ, उपचार कुखुराको अण्डा र दुबोले मन्साएर गर्न खोजिँदैछः ओली
02:03
Video thumbnail
‌ओलीको टिप्पणी : अरुका नाति नातिनीलाई बर्बाद गरिदिने प्रचण्डका दुई नातिनी बेलायत पढ्छन्
01:18
Video thumbnail
ओलीले सूर्यको धाक नदेखाए हुन्छ, त्यसमा ग्रहण लागिसक्यो - Madhav Kumar Nepal
00:45
Video thumbnail
हेर्दै जानुस् अब प्रचण्डको पत्तासाफ। प्रचण्डले गुण्डा भनेपछि आक्रोसित ओली || KP OLI
22:26

सम्बन्धित समाचार

FOLLOW US

ट्रेन्डिङ समाचार

ताजा समाचार