शनिबार, मंसिर १८, २०७८
शनिबार, मंसिर १८, २०७८
Viber Community
Nop Ads

कांग्रेस बन्न तयार प्रचण्ड !

पछिल्लो समय नेकपा एमालेमा सक्रिय झापाको बिर्तामोडस्थित बीएण्डसी मेडिकल कलेजका सञ्जालक दुर्गा प्रसाईले माओवादी केन्द्रका अध्यक्ष पुष्पकमल दाहाल प्रचण्ड कांग्रेस बन्न तयार रहेको दाबी गरेका छन् ।

Viber Community

नेपाल अनलाइन पत्रिका

sher bahadur, prachanda

नेपाल अनलाइन पत्रिका – काठमाडौं। पछिल्लो समय नेकपा एमालेमा सक्रिय झापाको बिर्तामोडस्थित बीएण्डसी मेडिकल कलेजका सञ्जालक दुर्गा प्रसाईले माओवादी केन्द्रका अध्यक्ष पुष्पकमल दाहाल प्रचण्ड कांग्रेस बन्न तयार रहेको दाबी गरेका छन् । ***यो समाचारको भिडियो हेर्न तल क्लिक गर्नु ***

धनकुटाको खोकुछिन्ताङमा एमालेद्वारा आयोजित सभालाई सोमबार सम्बोधनका क्रममा प्रसाईंले शेरबहादुर देउवाको वरीयता पाए प्रचण्ड कांग्रेसको बन्ने ठोकुवा गरे । कांग्रेससँगको गठबन्धनका नाममा फेरि सत्तामा फर्किने प्रचण्डको सपना पनि पूरा नहुने उनले बताए ।

‘अब गठबन्धनका नाममा गरिएको अनैतिक खेल पानीको फोका झैँ हुनेछु, उनले भने, ‘पहिचानको नाममा जातीयताको बीउ रोप्नेहरु अब सकिनेछन्।’ प्रसाईले माओवादीका नाममा देशमा भएको १७ हजार नेपालीको रगतले प्रचण्ड र बाबुराम भट्टराईलाई पोल्ने पनि बताएका छन्।

खोकुछिन्ताङमा एमालेले आज भव्य कार्यक्रम गरेको हो । सो कार्यक्रममा माओवादी, काँग्रेस, जनमोर्चा र राप्रपाबाट सयौँ नेकपा एमालेमा प्रबेश गरेका छन् ।

यता नेपाली कांग्रेसले उम्मेदवारी दर्ता शुल्क तोकेको छ। कांग्रेसले १४औं महाधिवेशनका लागि विभिन्न तह र पदको उम्मेदवारी शुल्क तोकेको हो । कांग्रेसले प्रदेश सभापतिका लागि १५ हजार उम्मेदवारी शुल्क तोकेको छ ।

यस्तै उपसभापति र सचिवका लागि सात ११ शुल्क निर्धारण गरिएको छ । प्रदेश सहसचिवका लागि भने ५ हजार शुल्क तोकिएको कांग्रेसले जनाएको छ । पार्टीको अनुसूची २५ अनुसार उम्मेदवारी शुल्क तोकिएको कांग्रेसले जनाएको छ ।

यसैगरी नेपाली कांग्रेसले महाधिवेशन आयोजना गर्न केन्द्र र सातवटै प्रदेशमा आयोजक समिति गठन गरेको छ । सोमबार सभापति शेरबहादुर देउवाको निवास बूढानीलकण्ठमा बसेको बैठकले समिति गठन गरेको हो ।

बैठकले सभापति देउवाको संयोजकत्वमा महाधिवेशन तयारी मूल समिति गठन गर्नुका साथै सातै प्रदेशमा आयोजक समिति गठन गरेको छ ।

समितिका सदस्यहरूमा केन्द्रीय कार्यसमितिका पदाधिकारी एवं सदस्यहरू, आमन्त्रित केन्द्रीय सदस्यहरू, संघीय संसदका सदस्यहरू, सातवटै प्रदेशका प्रदेश संसदीय दलका नेताहरू रहेका छन्।

अर्थ संकलन समितिको संयोजकमा ज्ञानेन्द्रबहादुर कार्की, भोजन तथा आवास व्यवस्थापन समिति संयोजकमा सुरेन्द्रराज पाण्डे, विदेशी पाहुना स्वागत तथा व्यवस्थापन समिति संयोजकमा डा. प्रकाशशरण महत, प्रचार प्रसार समिति संयोजकमा विश्वप्रकाश शर्मालाई जिम्मेवारी दिइएको छ ।

सातवटा प्रदेशअन्तर्गत प्रदेश १ विराटनगर संयोजकमा कृष्णप्रसाद सिटौला, प्रदेश २, जनकपुर संयोजक रमेश रिजाल, बाग्मती प्रदेश, हेटौंडा संयोजकमा प्रकाशमान सिंह, गण्डकी प्रदेश पोखरा संयोजकमा गोपालमान श्रेष्ठ, लुम्बिनी प्रदेश बुटवल संयोजक बालकृष्ण खाण, कर्णाली प्रदेश सुर्खेत संयोजक जीवनबहादुर शाही र सुदूरपश्चिम प्रदेश धनगढी संयोजकमा दिलेन्द्रप्रसाद बडूलाई जिम्मेवारी दिइएको छ ।

यस्ता छन् कांग्रेस बैठकका निर्णयहरू (कांग्रेसले जारी गरेको विज्ञप्तिको पूर्ण पाठ)

१. पार्टीको चौधौ महाधिवेशन सम्बन्धी नेपाली कांग्रेस केन्द्रीय निर्वाचन समितिद्वारा कार्तिक ११, २०७८ मा प्रकाशित संशोधित कार्यतालिकालाई अनुमोदन गर्ने ।

२. समावेशी समुहतर्फ वडादेखि जिल्ला तहसम्मनै अधिकतम समुहको प्रतिनिधित्व सुनिश्चित गर्नको लागि पार्टीका पदाधिकारी एवं पूर्व पदाधिकारीको छलफलमा भएको सहमति अनुसार सहमहामन्त्री डा. प्रकाशशरण महत र केन्द्रीय सदस्य डा. मिनेन्द्र रिजालको सिफारिसमा २०७८ भाद्र १७ गते र असोज ८ गते समावेशी समुहतर्फको प्रतिनिधित्व सम्बन्धी थप गरी लागु गरिएको व्यवस्थालाई आगामी महाधिवेशनबाट अनुमोदन गर्ने गरी स्वीकृत गर्ने ।

३. चौधौं महाधिवेशनमा नवीकरण गरेका नेपाली कांग्रेसका क्रियाशील सदस्य तथा तत्कालिन नेपाल लोकतान्त्रिक फोरमबाट समायोजन भई क्रियाशील सदस्यता नवीकरण गरेका व्यक्तिले प्रदेश कार्यसमितिको सदस्य र प्रतिनिधिसभा क्षेत्रीय कार्यसमिति,, महानगरपालिका÷उपमहानगरपालिका कार्यसमितिको सभापति पदमा उम्मेदवार बन्न पाउने व्यवस्था गर्ने, पहिलो पटक क्रियाशील सदस्यता नवीकरण गरेका व्यक्तिको अवधि पाँच वर्ष पुगेको गणना गर्ने र सोही अनुसार गर्न गराउन केन्द्रीय निर्वाचन समितिलाई लिखित जानकारी गराउने ।
उपरोक्त व्यवस्थालाई पार्टीको आगामी महाधिवेशनबाट अनुमोदन गरिनेछ ।

४. विदेशस्थित नेपाली जनसम्पर्क समिति सम्बन्धी

१. पार्टीको विधान र नियमावली अनुसार क्रियाशील सदस्यताको नामावलीको सूची र रकम लगायतका विवरण केन्द्रमा पेश गरेका आयरलैण्ड, फ्रान्स, नेदरल्याण्ड, वेलायत, साइप्रस, पोर्चुगल (छुट ४० जना) र क्यानडा स्थित नेपाली जनसम्पर्क समितिहरूबाट प्राप्त क्रियाशील सदस्यताको नामावलीको सूचीलाई स्वीकृत गर्ने र तत्काल अधिवेशनको मिति प्रस्ताव गर्न निर्देश गर्ने ।

२. नेपाली जनसम्पर्क समिति अष्ट्रेलिया र नेपाली जनसम्पर्क समिति डेनमार्कका नवीकरण गर्न छुट भएका पुराना क्रियाशील सदस्यले नवीकरण गर्न चाहेमा र क्रियाशील सदस्यता पाउन विधान बमोजिम योग्यता पुगेका र आवेदन गरेका व्यक्तिले नयाँ सदस्यता लिन चाहेमा तोकिएको शुल्क लिई नवीकरण गरिदिने र नयाँ सदस्यता प्रदान गर्ने गरी उक्त देशबाट प्राप्त क्रियाशील सदस्यता स्वीकृत गर्ने ।

३. नेपाली जनसम्पर्क समिति इजरायल र पोर्चुगलबाट पठाइएको संशोधित विधानलाई स्वीकृत गर्ने ।

४. क्रियाशील सदस्यताको नामावली, सदस्यता शुल्क र सहयोग रकम (लेवी) लगायतको विवरण पठाउन बाँकी रहेका जनसम्पर्क समितिहरूलाई एक हप्ता भित्र पठाउन निर्देश गर्ने ।

५. अधिवेशन सम्पन्न भएका जनसम्पर्क समितिहरूबाट प्राप्त प्रतिवेदन अनुसार पार्टीको चौधौ महाधिवेशनमा प्रतिनिधित्व गर्ने महाधिवेशन प्रतिनिधिहरूको नामावली विवरण क्रमशः केन्द्रीय निर्वाचन समितिलाई उपलव्ध गराउने ।

६. यूरोपस्थित अष्ट्रिया देशमा बसोवास गर्ने १११ जना नेपालीहरूको उपस्थितिमा भेलाको आयोजना गरी, नेपाली जनसम्पर्क समिति स्थापना गरी आवद्धताका लागि हस्ताक्षर सहितको उपस्थितिको प्रतिलिपी, विधानको मस्यौदा लगायतका आवश्यक कागजात पेश हुन आएकोले, नेपाली जनसम्पर्क तदर्थ समिति अष्ट्रीयालाई आवद्धता प्रदान गर्ने ।

५. चौधौं महाधिवेशनसंग सम्बन्धित समितिहरू

नेपाली कांग्रेसको आसन्न चौधौं महाधिवेशन सफलतापूर्वक सम्पन्न गर्नका लागि केन्द्रमा देहाय बमोजिमका समितिहरूको गठन गर्ने ः–

१. महाधिवेशन तयारी मूल समिति

संयोजक – सभापति श्री शेरबहादुर देउवा
सदस्यहरू – केन्द्रीय कार्यसमितिका पदाधिकारी एवं सदस्यहरू, आमन्त्रीत केन्द्रीय सदस्यहरू, संघीय संसदका सदस्यहरू, सातवटै प्रदेशका प्रदेश
संसदीय दलका नेताहरू
२. अर्थ संकलन समिति
संयोजक – केन्द्रीय सदस्य मा. ज्ञानेन्द्रबहादुर कार्की
सदस्य – संयोजकले आवश्यकता अनुसार तोक्ने

३. भोजन तथा आवास व्यवस्थापन समिति
संयोजक – केन्द्रीय सदस्य सुरेन्द्रराज पाण्डे
सदस्य – संयोजकले आवश्यकता अनुसार तोक्ने

४. विदेशी पाहुना स्वागत तथा व्यवस्थापन समिति
संयोजक – सहमहामन्त्री डा. प्रकाशशरण महत
सदस्य – संयोजकले आवश्यकता अनुसार तोक्ने

५. प्रचार प्रसार समिति
संयोजक – प्रवक्ता विश्वप्रकाश शर्मा
सदस्य – संयोजकले आवश्यकता अनुसार तोक्ने

६. उद्घाटन समारोह एवं मञ्च व्यवस्थापन समिति
संयोजक – काठमाण्डौ जिल्ला सभापति
सदस्य – ललितपुर र भक्तपुर जिल्ला सभापति
(संयोजकले आवश्यकता अनुसार अन्य सदस्य तोक्ने)

७. स्वास्थ्य समिति

संयोजक – केन्द्रीय सदस्य मोहनबहादुर बस्नेत
सदस्य – संयोजकले आवश्यकता अनुसार तोक्ने

८. सांस्कृतिक समिति
संयोजक – केन्द्रीय सदस्य सीता गुरुङ्ग
सदस्य – संयोजकले आवश्यकता अनुसार तोक्ने

९. स्वयंसेवक व्यवस्थापन समिति
संयोजक – नेपाल भूतपूर्व सैनिक संघका अध्यक्ष कर्णेल धनबहादुर मास्की राना
सदस्य – संयोजकले आवश्यकता अनुसार तोक्ने

— केन्द्रीय महाधिवेशन प्रतिनिधिले नामावली दर्ता शुल्क वापत रु. ३,०००।– (तीन हजार) बुझाउनु पर्नेछ ।

६. प्रदेश अधिवेशनसंग सम्बन्धित समिति

मुलुकको सातवटा प्रदेशका देहायका स्थानमा पार्टीको प्रदेश अधिवेशन सफलतापूर्वक सम्पन्न गर्नका लागि देहाय बमोजिम प्रदेश अधिवेशन आयोजक समिति गठन गर्ने

प्रदेश नं. १, विराटनगर – संयोजक – केन्द्रीय सदस्य कृष्णप्रसाद सिटौला
प्रदेश नं. २, जनकपुर – संयोजक – केन्द्रीय सदस्य रमेश रिजाल
बाग्मती प्रदेश, हेटौडा – संयोजक – केन्द्रीय सदस्य मा. प्रकाशमान सिंह
गण्डकी प्रदेश, पोखरा – संयोजक – केन्द्रीय सदस्य गोपालमान श्रेष्ठ
लुम्विनी प्रदेश, वुटवल –संयोजक – केन्द्रीय सदस्य मा. बालकृष्ण खाँण
कर्णाली प्रदेश, सुर्खेत – संयोजक – केन्द्रीय सदस्य मा. जीवनबहादुर शाही
सुदुरपश्चिम प्रदेश, धनगढी – संयोजक – केन्द्रीय सदस्य मा. दिलेन्द्रप्रसाद बडू

– प्रदेश अधिवेशन आयोजक समितिका सदस्यहरू ः सम्बन्धित प्रदेश भित्रका केन्द्रीय सदस्यहरू, जिल्ला सभापतिहरू, प्रदेश सभा संसदीय दलका नेता र प्रदेश सभा सदस्यहरू, जिल्ला समन्वय समितिका प्रमुख र उपप्रमुख, नगरपालिकाका प्रमुख र उपप्रमुख, गाउँपालिकाका अध्यक्ष र उपाध्यक्ष ।

– आयोजक समितिको संयोजकको अध्यक्षतामा प्रदेश अधिवेशन उद्घाटन समारोह हुनेछ ।

– प्रदेश अधिवेशनका प्रतिनिधिहरूको आवास र भोजनको व्यवस्थापन प्रदेश अधिवेशन आयोजना हुने जिल्लाले गर्नेछ । यसका लागि प्रदेश अधिवेशन आयोजक समितिले आवश्यक सहयोग गर्नु पर्नेछ ।

– प्रदेश अधिवेशन प्रतिनिधिले नामावली दर्ता शुल्क वापत रु. २,०००।– (दुई हजार) बुझाउनु पर्नेछ ।

पारित शोक प्रस्ताव

नेपाली कांग्रेसका संस्थापक नेता सुवर्ण शम्शेर राणाका सुपुत्र, राष्ट्रिय सभाका पूर्व सांसद एवं पूर्व राजदूत रूक्म शम्शेर राणाको भाद्र २६ गते; नेपाली कांग्रेस केन्द्रीय कार्यसमितिका सदस्य धनराज गुरुङकी ममतामयी माता प्यारी गुरुङको भाद्र १ गते; काठमाडौं जिल्ला प्रतिनिधि सभा निर्वाचन क्षेत्र नं. ६ का नेपाली कांग्रेसका महाधिवेशन प्रतिनिधि अर्जुन दमाईको भाद्र ४ गते; प्रजातन्त्र सेनानी सुनसरीका स्व. भेषबहादुर नेपालीको धर्मपत्नी चेतमाया नेपालीको भाद्र १ गते; नेपाली कांग्रेस सूचना, संचार तथा प्रचार विभागका सचिव दिनेश थापा मगरका हजुरबुबा इन्द्रबहादुर थापा मगरको भाद्र १ गते; नेपाली कांग्रेस सुनसरीका पूर्व महाधिवेशन प्रतिनिधि एवं नेपाल दलित संघ सुनसरीका सभापति मदनलाल खत्वेको भाद्र १ गते; काठमाडौं जिल्ला तारकेश्वर नगरपालिका वडा नं. ६ का नेपाली कांग्रेसका वडा सभापति विनोद भट्टको भाद्र ५ गते; काठमाडौं जिल्ला नागर्जुन नगरपालिका वडा नं. १ का पार्टीका पुराना एवं अग्रज व्यक्तित्व जयप्रसाद बन्जाराको भाद्र १ गते; प्रजातन्त्र सेनानी लम्जुङका स्व. रोहिणीराज त्रिपाठीको धर्मपत्नी महेश्वरी त्रिपाठी; सिन्धुपाल्चोक जिल्ला पाँचपोखरी थाङपाल गाउँपालिका वडा नं. ४ का नेपाली कांग्रेसका सक्रिय व्यक्तित्व वावु लामा (दोङ्वा) को भाद्र १५ गते; नेपाली कांग्रेसका अग्रज व्यक्तित्व एवं पूर्व गा.वि.स. अध्यक्ष शेख सगिर अहमदको असोज १० गते; नेपाली कांग्रेस ज्येष्ठ राजनीतिज्ञ सभाका सदस्य एवं नेपाल शिक्षक संघका पूर्व केन्द्रीय सदस्य रामेछापका मेघबहादुर खत्रीको असोज २० गते; नेपाली कांग्रेस जिल्ला कार्यसमिति, तत्कालीन रूकुम जिल्लाका पूर्व उपसभापति एवं वरिष्ठ अधिवक्ता डा. नवराज गौतमको असोज २८ गते; नेपाली कांग्रेस जिल्ला कार्यसमिति, धादिङका पूर्व सभापति एवं पूर्व सांसद रामनाथ अधिकारीकी ममतामयी माता टीकादेवी अधिकारीको असोज २८ गते; नेपाली कांग्रेस जिल्ला कार्यसमिति सिन्धुपाल्चोकका सभापति विकास लामाकी धर्मपत्नी एवं सिन्धुपाल्चोक जिल्ला इन्द्रावती गाउँपालिकाकी उपाध्यक्ष श्रीमति मीरा अधिकारी लामाको कार्तिक ६ गते; नेपाली कांग्रेस जिल्ला कार्यसमिति धादिङ्गका पूर्व जिल्ला सदस्य रुबीभ्याली गाउँपालिका वडा नं. २ का जोमसाइ घलेको कात्र्तिक ८ गते; पाँचथर जिल्ला मिक्लाजुङ गाउँपालिका वडा नं. ५ का धनबहादुर लावती र चन्दामाया खालिङ राईको कात्र्तिक २ गते; नेपाली कांग्रेस सिन्धुपाल्चोक जिल्ला लिसंखुपाखार गाउँपालिका वडा नं. १ का पूर्व इकाई उपसभापति हिरालाल लामाको कार्तिक १४ गते; नेपाली कांग्रेस पर्साका महाधिवेशन प्रतिनिधि असर्फी साहकी ममतामयी माता बच्चा देवीको कार्तिक १३ गते; नेपाली कांग्रेस ज्येष्ठ राजनीतिज्ञ सभाका सदस्य पाँचथरका क्याप्टेन दलबिर कुरुम्वाङ लिम्बूको कात्र्तिक १९ गते र नेपाली कांग्रेस सोलुखुम्बुका महासमिति सदस्य शम्भुहरि बाँस्तोलाका पिता चित्रप्रसाद बाँस्तोलाको कात्र्तिक १६ गते भएको निधनप्रति कार्यसमितिको यो बैठक गहिरो दुःख व्यक्त गर्दै उहाँहरूप्रति भावपूर्ण श्रद्धाञ्जली अर्पण
गर्दछ ।

नेपालको लोकतान्त्रिक आन्दोलनहरूमा उहाँहरूले पु¥याउनु भएको सक्रिय योगदानको स्मरण गर्दै उहाँहरूको आत्माको चिर शान्तिको कामना साथ एक मिनेट मौन धारण गर्दै सम्पूर्ण शोक सन्तप्त परिवारजनप्रति यो बैठक गहिरो समवेदना प्रकट गर्दछ ।

बैठकमा धारणा व्यक्त

आजको बैठकमा नेता रामचन्द्र पौडेल, कोषाध्यक्ष सीतादेवी यादव, केन्द्रीय सदस्यहरू—प्रकाशमान सिंह, कृष्णप्रसाद सिटौला, डा. रामशरण महत, अर्जुननरसिंह के.सी., रमेश रिजाल, एन.पी.साउँद, मीनबहादुर विश्वकर्मा, गगनकुमार थापा, जीवन परियार, गोविन्द भट्टराई, गुरुराज घिमिरे, मोहनबहादुर बस्नेत, डा. गोपाल दहित, रामकृष्ण भट्टराई, आमन्त्रित केन्द्रीय सदस्यहरू— बालकृष्ण पाण्डेय, आनन्द
(गोरख) विष्ट र कृष्णकिशोर घिमिरेले आ–आफ्नो धारणा व्यक्त गर्नु भएको थियो ।

जय नेपाल !
कृष्णप्रसाद पौडेल
मुख्य सचिव

यो समाचार पढेर तपाईलाई कस्तो लाग्यो?
Facebook Notice for EU! You need to login to view and post FB Comments!

नेपाल अन्लाईन पत्रिकामा प्रकाशित कुनै समाचारमा तपाईंको गुनासो भए, कुनै विचार वा विश्लेषण, सल्लाह र सुझाव र समाचार प्रकासित गर्नु परेमा वा बिज्ञापन दिनु परेमा हामीलाई [email protected] मा इमेल गर्न सक्नुहुनेछ । हामीसँग तपाईं फेसबुक र ट्विटरमा पनि जोडिन सक्नुहुन्छ ।

सम्बन्धित समाचार

किन बोलाए संसद देउवले ? एमसीसी पास गर्नेदेखि जबरालाई महाअभियोग लगाउनेसम्म यस्तो छ तयारी

शेर बहादुर देउवा सरकारले संघीय संसदको नवौं अधिवेशन अन्त्य गरेको ४५ दिनपछि दशौं अधिवेशनको बैठक बोलाएपछि विभिन्न राजनीतिक दलले आशंकाको नजरले हेरेका छन् ।

ओलीकै अगाडी ९० वर्षीया भद्रकुमारी घलेको घोषणा, ‘षडयन्त्र गरेर ओली नेतृत्वको सरकार ढालिए पनि जनमतबाट पुनः सत्तामा ओलीको आगमल हुन्छ’

नेकपा एमालेका अध्यक्ष केपी शर्मा ओली शनिबार पूरानी राजनीतिज्ञ ९० वर्षीया भद्रकुमारी घलेको मैतिदेवीस्थित निवासमापúेका थिए ।

केपी ओली: एक वर्षभित्रमा एमालेको सरकार बन्छ

प्रमुख प्रतिपक्ष दल नेकपा (एमाले) का अध्यक्ष केपी शर्मा ओलीले आफ्नो पार्टी सरकारमा आउन एक वर्ष पनि पर्खनु नपर्ने बताएका छन् ।

ओली: नटबोल्ट फुस्केर गए, एमाले सरकारमा आउन एक वर्ष पर्खिनु पर्दैन

प्रमुख प्रतिपक्ष दल नेकपा (एमाले)का अध्यक्ष केपी शर्मा ओलीले आफ्नो पार्टी सरकारमा आउन एक वर्ष पनि पर्खनु नपर्ने बताएका छन् ।

रवीन्द्र मिश्र : पृथ्वीनारायणको विरोध गरेर मार्क्स र माओलाई माला लगाउनेबाट देश बन्दैन

विवेकशील साझा पार्टीका अध्यक्ष रवीन्द्र मिश्रले पृथ्वीनारायण शाहलाई अपहेलना गरेर मार्क्स र माओलाई माला लगाउन जानेहरुबाट देश नबन्ने बताएका छन् ।

माधब नेपाल: चुनावबाट ओली एमाले पुरै पत्तासाफ हुन्छ

नेकपा (एकीकृत समाजवादीं) पार्टीका अध्यक्ष एवं पूर्वप्रधानमन्त्री माधवकुमार नेपालले आउँदो चुनावमा गठबन्धनले एमालेलाई पत्तासाफ पार्ने दाबी गरेका छन् । उनले गठबन्धन कसैले टुटाउन खोजे पनि नटुट्ने, बरु सशक्त भएर अगाडि बढ्ने बताए ।

ट्रेन्डिङ समाचार

भिम रावलले २२३ भोटका लागी गरेको खर्च भयो सार्बजनिक, चकित पर्नुहुनेछ थाहा पाएपछि !

नेकपा एमालेको दशौँ राष्ट्रिय महाधिवेशन सम्मन्न भएर आगामी कार्यकालका लागी नयाँ नेतृत्व चयन भएको छ तर यसको चर्चा चलिनैरहेको छ ।

कडा लकडाउन गर्ने निर्णय २० गतेदेखि,औषधि बाहेक अन्य सबै पसल बन्द?

२० गतेदेखि कडा लकडाउन गर्ने निर्णय, औषधि बाहेक अन्य सबै पसल बन्द।अन्ततः धरान उपमहानगरपालिकाले २० गतेदेखि लकडाउन गर्ने निर्णय गरेको छ(मंगलबार) धरान उपमहानगरपालिकाको कार्यपालिका बैठकले २० गतेदेखि १३ गतेसम्म कडा लकडाउन गर्ने निर्णय गरेको हो |

यहि अबस्थामा चुनाव भए कांग्रेस १०३,एमाले ६०,माओवादी ५१ र समाजवादीले ४६ सिट जित्ने : सबैभन्दा ठुलो मत सर्भेक्षण

आमनिर्वाचन २०७४ मा नेकपा एमाले र नेकपा माओवादी केन्द्रबीच चुनावी गठबन्धन भएको थियो । यो गठबन्धनले स्पष्ट बहुमत ल्याएको थियो ।

कक्षा १२ को नतिजा सार्वजनिक, कक्षा १२ को नतिजा कसरी हेर्ने?

कक्षा १२ को परिक्षाफल प्रकाशित भएको छ। शुक्रबार विहान बसेको राष्ट्रिय परीक्षा बोर्डको बैठकले परिक्षाफल प्रकाशित गर्ने निर्णय गरे पछि परीक्षाफल प्रकाशित गरिएकाे हाे।

भीम रावल माधब नेपालको नेकपा एसमा प्रबेश गर्दैछन ?

नेकपा एमालेको १० औं महाधिवेशनमा अध्यक्षमा उमेदवारी दिएका नेता डा भीम बहादुर रावल अध्यक्ष पदमा हारेपछि हाल मौन अवस्थामा छन्।

अब होमवर्क गर्न छोडिदिनुस्, भोलिदेखी विद्यालय अनिश्चितकाललाई बन्द !!

भारतीय राजधानी दिल्लीका सम्पूर्ण विद्यालयहरु शुक्रबारदेखि अर्को सूचना नआएसम्म बन्द हुने भएका छन् । वायु प्रदूषणको विकराल अवस्थाको कारण यस्तो निर्णय गर्नुपरेको वातावरणमन्त्री गोपाल राईले बताए ।

ताजा समाचार

५ र्‍याम “मिथक र गलत धारणाहरू” जुन वास्तवमा सत्य होइनन्

यदि तपाइँ र्‍याम साइजको साइज मिलाउनुभयो भने के हुन्छ? वा र्‍याम मोड्युलहरूको पूर्ण रूपमा गलत बेमेल?

किन बोलाए संसद देउवले ? एमसीसी पास गर्नेदेखि जबरालाई महाअभियोग लगाउनेसम्म यस्तो छ तयारी

शेर बहादुर देउवा सरकारले संघीय संसदको नवौं अधिवेशन अन्त्य गरेको ४५ दिनपछि दशौं अधिवेशनको बैठक बोलाएपछि विभिन्न राजनीतिक दलले आशंकाको नजरले हेरेका छन् ।

ओलीकै अगाडी ९० वर्षीया भद्रकुमारी घलेको घोषणा, ‘षडयन्त्र गरेर ओली नेतृत्वको सरकार ढालिए पनि जनमतबाट पुनः सत्तामा ओलीको आगमल हुन्छ’

नेकपा एमालेका अध्यक्ष केपी शर्मा ओली शनिबार पूरानी राजनीतिज्ञ ९० वर्षीया भद्रकुमारी घलेको मैतिदेवीस्थित निवासमापúेका थिए ।

केपी ओली: एक वर्षभित्रमा एमालेको सरकार बन्छ

प्रमुख प्रतिपक्ष दल नेकपा (एमाले) का अध्यक्ष केपी शर्मा ओलीले आफ्नो पार्टी सरकारमा आउन एक वर्ष पनि पर्खनु नपर्ने बताएका छन् ।

ओली: नटबोल्ट फुस्केर गए, एमाले सरकारमा आउन एक वर्ष पर्खिनु पर्दैन

प्रमुख प्रतिपक्ष दल नेकपा (एमाले)का अध्यक्ष केपी शर्मा ओलीले आफ्नो पार्टी सरकारमा आउन एक वर्ष पनि पर्खनु नपर्ने बताएका छन् ।

सलमानको बडी देखेर भुतुक्कै भइन् हलिउड अभिनेत्री किम कार्दशियन

हलिउडकी चर्चित अभिनेत्री तथा मोडल हुन् किम कार्दशियन । धेरैजसो हट फोटोशुटका कारण चर्चामा आइरहने किम बलिउडको फ्यान पनि हुन् ।
Home
ताजा समाचार
ट्रेन्डिङ समाचार
Search