मङ्लबार, मंसिर २१, २०७८
मङ्लबार, मंसिर २१, २०७८
Viber Community
Nop Ads

पूर्णिमा मेलाको बहानामा दुई दिन विद्यालय बन्द

पर्साको बहुदरमाई नगरपालिकामा स्थानीय मेलाका लागि दुई दिन विद्यालय बन्द गरिएको छ ।

Viber Community

नेपाल अनलाइन पत्रिका

नेपाल अनलाइन पत्रिका – काठमाडौं। पर्साको बहुदरमाई नगरपालिकामा स्थानीय मेलाका लागि दुई दिन विद्यालय बन्द गरिएको छ । बहुदरमाई–२ ध्यानसिंह पिपरास्थित बहुदरमाई मन्दिरमा कात्तिक पूर्णिमाका अवसरमा लाग्ने मेलाका लागि विद्यालय बन्द गरिएको हो । मन्दिरमा मंसिर ३ गते देखि मेला लागेको छ । मेला ५ दिनसम्म चल्नेछ ।

वडा नं २ मा लाग्ने मेलाको बहानामा नगरभरिका सामुदायिक विद्यालय बन्द गरिएपछि त्यसको चर्को आलोचना भइरहेको छ । कोरोना महामारीका कारण लामो समय विद्यालयमा विद्यार्थीको भौतिक उपस्थितिमा पढाइ हुन सकेन । त्यसमाथि पनि प्रधानाध्यापकहरुले मनोमानी ढंगले विद्यालय बन्द गराउन थालेको भन्दै अभिभावकले असन्तुष्टी जनाएका हुन् ।

प्रधानाध्यापकहरुको मनोमानीका कारण बहुदरमाइका विद्यालयमा अध्ययनरत ८ हजारभन्दा बढी विद्यार्थी मर्कामा परेको अभिभावकहरुको भनाइ छ । नगरपालिकाको ९ वटा वडामा १० वटा प्रावि, एउटा आधारभूत र ६ वटा माध्यमिक गरी १७ वटा सामुदायिक विद्यालय छन् । सबै विद्यालय आइतबार र सोमबार दुई दिन बन्द भयो ।

बहुदरमाई–२ बैरियाविर्ता दापुका राकेश यादवले मेलाका बहानामा प्रधानाध्यापकहरुले नै विद्यालय बन्द गर्नु गलत भएको टिप्पणी गरे ।

‘गाउँमा मेला छ विद्यार्थी आउँदैनन् रे ल ठीकै छ तर शिक्षक त विद्यालय जानुपर्छ नि । जति विद्यार्थी आउँछन् पढाउनुपर्छ’ उनले भने, ‘प्रधानाध्यापकहरुले नै मनोमानी ढंगले विद्यालय बन्द गरिदिने ? त्यो पनि मेला एउटा गाउँमा लागेको छ, १० गाउँमा विदा गरेको छ ।’

कोभिड महामारीका कारण लामो समय शैक्षिक संस्था बन्द रहँदा पठनपाठनबाट बञ्चित भएका बालबालिकालाई मेला र उत्सवका बहानामा नपढाउनु उचित नभएको उनको भनाइ छ ।

बहुदरमाई–९ विश्रामपुरका कमोद ठाकुरले विभिन्न बहानामा विद्यालय बन्द गर्नु ठीक नभएको बताए । ‘विद्यालयमा विषयगत शिक्षकको बन्दोबस्त गर्न नसकेको अवस्था छ । विद्यालय व्यवस्थापन समिति छैन’ उनले भने, ‘प्रअहरुले नै विद्यालय बन्द गराउनु कदापी ठीक हुन सक्दैन ।’

मेलाको बहानामा दुई दिन विद्यालय बन्द गरिँदा विद्यार्थीको पठनपाठन प्रभावित भएको भन्दै शिक्षकहरु पनि असन्तुष्ट छन् ।

‘कोरोना महामारी र चाडपर्वको लामो विदाले विद्यार्थीको कोर्स सकिएको छैन । मंसिर २३ गते देखि नगरस्तरीय परीक्षा छ’ एक शिक्षकले भने, ‘यस्तो स्थितिमा विभिन्न बहाना खोजेर विद्यालय बन्द गर्नु ठीक छैन ।’

नगरपालिकाले दिएको जानकारी अनुसार मंसिर २ गते बिहीबार नगरपालिकाको कार्यालयमा बसेको प्रध्यानाध्यापकहरुको बैठकले मेलाका लागि दुई दिन विद्यालय बन्द गर्ने निर्णय गरेका थियो ।

नगरपालिका अन्तर्गतका विद्यालय बन्द भएको बारेमा नगर प्रमुख नितेन्द्र साह बेखबर छन् । आफू नेपाली काँग्रेसको अधिवेशनमा व्यस्त रहेको उनले बताए ।

प्रमुख प्रशासकीय अधिकृत विदुर उप्रेतीले स्थानीय मेला भएकोले विदा दिने निर्णयमा पुगिएको बताए । ‘प्रअहरुको बैठकबाटै विद्यालय बन्द गर्ने निर्णय भएको हो’ उनले भने, ‘मेला लाग्ने स्थान २ नम्बर वडाको मात्रै विद्यालय बन्द गरौं भन्दा प्रअ सरहरु मान्नुभएन । बहुदरमाईकै नामले पालिकाको नाम पनि राखिएको छ भन्ने तर्क राख्न थालेपछि बन्द गर्ने निर्णयमा पुगेका हौं ।’

यो समाचार पढेर तपाईलाई कस्तो लाग्यो?

नेपाल अन्लाईन पत्रिकामा प्रकाशित कुनै समाचारमा तपाईंको गुनासो भए, कुनै विचार वा विश्लेषण, सल्लाह र सुझाव र समाचार प्रकासित गर्नु परेमा वा बिज्ञापन दिनु परेमा हामीलाई [email protected] मा इमेल गर्न सक्नुहुनेछ । हामीसँग तपाईं फेसबुक र ट्विटरमा पनि जोडिन सक्नुहुन्छ ।

सम्बन्धित समाचार

आजदेखि विद्यालय बन्द

आजदेखि नीजि र सामुदायिक विद्यालय तथा शैक्षिक संस्थाहरु बन्द गरिएको छ ।

कक्षा ११ र १२ मा ‘डी प्लस’ ल्याउनेले मात्र प्रमाणपत्र पाउने

राष्ट्रिय परीक्षा बोर्डले कक्षा ११ र १२ मा प्रमाणपत्र प्रदान गर्न निश्चित मापदण्डको आधार तयार गरेको छ ।

‘साइबर सेक्युरिटी एण्ड डिजिटल फरेन्सिक’ विषयको पढाइनेपालमै हुने

ब्रिटिस एक्रिडेसन काउन्सिल (बीएसी)को मान्यता प्राप्त शैक्षिक संस्था द ब्रिटिस कलेजले नेपालमै पहिलो पटक ‘बीएससी (हन्स) साइबर सेक्युरिटी एण्ड डिजिटल फरेन्सिक विषय’को सुरु गर्ने भएको छ

करिश्मा मानन्धरले पास गरिन् प्लस टु, दुई विषयमा ‘ए प्लस’ ल्याउँदै

अभिनेत्री करिश्मा मानन्धर कक्षा १२ उत्तिर्ण भएकी छन् । गएको भदौ–असोजमा सञ्चालन भएको परीक्षाको नतिजा राष्ट्रिय परीक्षा बोर्डले शुक्रबार सार्वजनिक गरेको हो ।

कक्षा १२ को नतिजा सार्वजनिक, ७ हजार विद्यार्थीले ल्याए ‘ए प्लस’ जीपीए

कक्षा १२ को नतिजा प्रकाशित भएको छ । आज बिहान बसेको राष्ट्रिय परीक्षा बोर्डको बैठकको निर्णय अनुसार नतिजा प्रकाशित गरिएको प्रवक्ता कृष्णप्रसाद शर्माले जानकारी दिए ।

कक्षा १२ को नतिजा सार्वजनिक, कक्षा १२ को नतिजा कसरी हेर्ने?

कक्षा १२ को परिक्षाफल प्रकाशित भएको छ। शुक्रबार विहान बसेको राष्ट्रिय परीक्षा बोर्डको बैठकले परिक्षाफल प्रकाशित गर्ने निर्णय गरे पछि परीक्षाफल प्रकाशित गरिएकाे हाे।

ट्रेन्डिङ समाचार

दु:खद खबर: नेपालमा पनि भेटियो ओमिक्रोन भेरियन्टको सङ्क्रमित

नयाँ भेरियन्ट स‌ंकमण देखिने ६६ वर्षीय एक विदेशी नागरिक र उनीसँग सम्पर्कमा आएका अर्का ७१ वर्षीय व्यक्ति रहेका छन् ।

अन्तिम अबस्थामा रामचन्द्र पौडेलले यस्तो भावुक प्रस्ताव अघि सारे, देउबाको मन पग्लिने संकेत

नेता पौडेलले सभापतिमा आकांक्षी चारजनामध्ये को बलियो छ भनेर अन्य नेता तथा कार्यकर्ताहरूलाई सोधेपछि थाहा हुने बताएको स्रोतले बतायो ।

४४० भोल्टको झट्का आर्जु राणालाई, अदालतको आदेशले ‘रुनु न हाँस्नु’

परराष्ट्र मन्त्रालयले ‘मंसिर ३ गते संरक्षक परिषदलाई महाधिवेशन गर्न दिनू’ भनिएको पत्र कार्यान्वयन नगर्न पनि अन्तरिम आदेश जारी गरेको छ।

कडा लकडाउन गर्ने निर्णय २० गतेदेखि,औषधि बाहेक अन्य सबै पसल बन्द?

२० गतेदेखि कडा लकडाउन गर्ने निर्णय, औषधि बाहेक अन्य सबै पसल बन्द।अन्ततः धरान उपमहानगरपालिकाले २० गतेदेखि लकडाउन गर्ने निर्णय गरेको छ(मंगलबार) धरान उपमहानगरपालिकाको कार्यपालिका बैठकले २० गतेदेखि १३ गतेसम्म कडा लकडाउन गर्ने निर्णय गरेको हो |

आजदेखि विद्यालय बन्द

आजदेखि नीजि र सामुदायिक विद्यालय तथा शैक्षिक संस्थाहरु बन्द गरिएको छ ।

प्रधानमन्त्री देउवा : अहिलेको गठबन्धन माघ १२ गतेसम्म मात्र हो

प्रधानमन्त्री तथा कांग्रेस सभापति शेरबहादुर देउवाले अहिलेको गठबन्धन राष्ट्रिय सभा चुनावसम्म भएको बताएका छन् । सोमबार बिहान प्रधानमन्त्री निवास बालुवाटारमा सञ्चारकर्मीसँगको कुराकानीमा उनले राष्ट्रिय सभाको चुनावपछि गठबन्धन रहने/नरहने भन्ने विषयमा छलफल नभएको बताएका हुन् ।

ताजा समाचार

अब अफिस सकिएपछि कर्मचारीलाई फोन म्यासेज या इमेल गर्न नपाइने

काम सकिएर घर पुगिसेपछि या कतिपय अवस्थामा छुट्टीका बेला पनि अफिसबाट ‘बोस’ को फोन आउने प्रवृत्ति सबैतिर व्याप्त नै रहेको छ ।

आजदेखि विद्यालय बन्द

आजदेखि नीजि र सामुदायिक विद्यालय तथा शैक्षिक संस्थाहरु बन्द गरिएको छ ।

प्रधानमन्त्री देउवा: जनतालाई दु:ख दिएर कांग्रेसले महाधिवेशनमा शक्ति प्रदर्शन गर्दैन

प्रधानमन्त्री देउवाले भने, 'कांग्रेस आफ्नो महाधिवेशनमा शक्ति प्रदर्शन गर्ने पक्षमा छैन। एमालेसँग प्रतिस्पर्धा गर्ने कुरा होइनन।

अन्तिम पटक के मागे प्रधानमन्त्री देउवाले पत्रकारहरुसंग ?

त्यसअघि देउवाले काँग्रेसले महाधिवेशन तामझामका साथ नगर्ने पनि बताएका थिए । जनतालाई दुख दिने नियत काँग्रेसको नभएको भन्दै उहाँले शक्ति प्रदर्शन नगर्ने उनले बताए ।

धिरजसँग जोडी जम्ने सुहानाको विश्वास

सुहानाले धिरजसँग आफ्नो जोडी जम्न सक्ने आशा गरेकी छन् । सुहानाका बुबा सुनिलकुमार थापाले चलचित्र ‘भागवत गीता’ बनाउने संकेत गरिसकेका छन् ।

यस्तो छ कट्रिना-विक्कीको बिहे सेड्युल : १२० पाहुनालाई गुलाबको वर्षाले हुनेछ स्वागत !

बिहेको सुरक्षालाई कडा तुल्याइएको छ । पहिले सुरक्षा जाँच पोस्ट होटेलको ढोका र अर्कोचाहिँ उक्त भिलेजको प्रवेश द्वारमा बनाइएको छ ।
Home
ताजा समाचार
ट्रेन्डिङ समाचार
Search